रायपुर, मुख्यमंत्री श्री भूपेश बघेल ले काली ऊंखर निवास कार्यालय म छत्तीसगढ़ फिल्म महोत्सव के आयोजनकर्ता मन ह सौजन्य मुलाकात करिन। उमन मुख्यमंत्री श्री बघेल ल रायपुर म 27 मई ले आयोजित होवइया 7 दिन के छत्तीसगढ़ फिल्म महोत्सव म सामिल होए के नेवता अऊ मया चिन्हारी भेंट करके सम्मानित करिन। मुख्यमंत्री ह एखर खातिर आयोजनकर्ता मन ल धन्यवाद दीन। छत्तीसगढ़ी फिल्म बनइया अउ निर्देशक श्री मोहन सुंदरानी ह मुख्यमंत्री ल बताइस कि 27 मई ले 7 दिन तक रायपुर के प्रभात टॉकिज म 28 फिल्म के निःशुल्क प्रदर्शन करे जाही। ये बेरा म फिल्म बनइया श्री अलख राय, श्री अजय दुबे, श्री लकी साही अउ योगेश्वरानंद नेताम मौजूद रहिन।
27 मई ले 7 दिन तक प्रभात टॉकीज म छत्तीसगढ़ फिल्म के होही निःशुल्क प्रदर्शन
