छत्तीसगढ़ फिल्म नीति 2021 राजपत्र म प्रकाशित

रायपुर, छत्तीसगढ़ फिल्म नीति 2021 के प्रकाशन छत्तीसगढ़ राजपत्र म कर देहे गए हे। छत्तीसगढ़ फिल्म पॉलिसी लागू होए ले प्रदेश म फिल्म उद्योग ले जुड़े हजारों कलाकार, टेक्निशियन अऊ निर्माता-निर्देशक मन संग स्थानीय मनखे मन ल एकर लाभ मिलही। योजना के तहत अलग-अलग श्रेणी म अनुदान के प्रावधान करे गए हे।
जानबा हे कि मुख्यमंत्री श्री भूपेश बघेल के निर्देश म संस्कृति मंत्री श्री अमरजीत भगत के मार्गदर्शन म छत्तीसगढ़ म नवा फिल्म-नीति 2021 तियार करे गए हे। ये फिल्म नीति के तहत फीचर फिल्म, वेब सीरिज, टीवी सीरियल्स अऊ रियाल्टी शो अऊ डाक्यूमेंट्री फिल्म के निर्माण, फिल्मांकन बर सुविधा व प्रोत्साहन के प्रावधान करे गए हे। एखर से फिल्म के क्षेत्र म निजी निवेश ल बढ़ावा मिलही। छत्तीसगढ़ फिल्म नीति 2021 ल लागू करे के प्रमुख उद्देश्य छत्तीसगढ़ म फिल्म अनुकूल राज्य बनाना अऊ राज्य म फिल्म उद्योग के माध्यम ले प्रदेश के संस्कृति अउ पर्यटन ल राष्ट्रीय पहिचान देना अऊ इहां स्थानीय मनखे मन बर जादा ले जादा रोजगार के अवसर उपलब्‍ध कराना हे।