बायोफ्यूल के क्षेत्र म उल्लेखनीय काम बर छत्तीसगढ़ ल मिलीस इंडिया ग्रीन एनर्जी अवार्ड

रायपुर, बायोफ्यूल के क्षेत्र म करे जात उल्लेखनीय काम बर छत्तीसगढ़ ल इंडियन फेडरेशन ऑफ ग्रीन एनर्जी कोति ले ‘इंडिया ग्रीन एनर्जी अवार्ड‘ ले नवाजे गए हे। ये अवार्ड बायोफ्यूल के आऊटस्टैंडिंग रिन्यूएबल एनर्जी जनरेशन प्रोजेक्ट केटेगरी म छत्तीसगढ़ ल देहे गए हे। नई दिल्ली म बुधवार के आयोजित कार्यक्रम म केन्द्रीय सड़क अऊ परिवहन मंत्री श्री नितिन गडकरी अऊ केन्द्रीय नवीन अऊ नवीकरणीय ऊर्जा राज्य मंत्री श्री भगवंत खूबा ह छत्तीसगढ़ बायोफ्यूल डेव्हलपमेंट अथार्टी (सीबीडीए) रायपुर के मुख्य कार्यपालन अधिकारी श्री सुमीत सरकार ल इंडिया ग्रीन एनर्जी अवार्ड प्रशस्ति पत्र अऊ स्मृति चिन्ह प्रदान करिस। मुख्यमंत्री श्री भूपेश बघेल ह छत्तीसगढ़ बायोफ्यूल डेव्हलपमेंट अथार्टी ल पुरस्कार प्राप्त करे म ओ मन ल बधाई अऊ शुभकामना देहे हें।
जानबा हे कि छत्तीसगढ़ सरकार ऊर्जा के परंपरागत स्रोत मन उपर निर्भरता कम करे बर अपरंपरागत ऊर्जा के नवा विकल्प मन ल प्रोत्साहित करत हे। ये दिशा म छत्तीसगढ़ बायोफ्यूल डेव्हलपमेंट अथार्टी कोति ले राज्य म बायोफ्यूल के क्षेत्र म अधिशेष अनाज ले एथेनॉल उपज संयंत्र के स्थापना, बायो-जेट एवीएशन फ्यूल के निर्माण म सहयोग अऊ जैव ईंधन के क्षेत्र म अनुसंधान काम जइसे उल्लेखनीय काम करत हे।