बैटरी चलित ट्रायसइकल मिले ले दिव्यांग लक्ष्य के खिल उठीस मुस्कान

कांकेर, 11 सितंबर 2024। छत्तीसगढ़ सरकार दिव्यांगजन के जीवनचर्या ल आसान बनाए खातिर सरलग काम करत हे। समाज कल्याण विभाग कोति ले ओ मन ल सहायक उपकरण अउ आन सामान निःशुल्क वितरित करे जात हे। कांकेर जिला के चारामा विकासखण्ड के ग्राम हाराडुला निवासी कक्षा 8वीं के छात्र लक्ष्यजीत कोर्राम के चेहरा म तब मुस्कान खिल उठीस, जब कलेक्टर श्री निलेश महादेव क्षीरसागर ह ओ ल कलेक्टोरेट परिसर म बैटरीचलित ट्रायसिकल के चाबी सौंपीस। दिव्यांग लक्ष्यजीत के पिता गुरूचंद कोर्राम ह बताइस के एखर से वोखर बेटा ल स्कूल अउ आन जगा म आए-जाए म आसानी होही। संगेच अपन दैनदिनी काम संपादित करे म घलोक सहूलियत होही। एखर पहिली लक्ष्यजीत तीर जुन्ना ट्रायसिकल रहिस, जेन ल हाथ ले चलाय म अड़बड़ मेहनत करना परत रहिस। कोर्राम ह कहिस के अब ओखर बेटा बैटरीचलित ट्रायसिकल के एक बटन दबाके अउ हैण्डल घुमाके कहू भी आ-जा सकही। दिव्यांग लक्ष्यजीत अऊ वोखर पिता ह मुख्यमंत्री श्री विष्णुदेव साय के धन्यवाद ज्ञापित करत प्रदेश सरकार के प्रति आभार प्रकट करे हे।