पंजीकृत मज़दूर मन ल शिक्षा, स्वास्थ्य, औजार सहायता संग बहुत अकन योजना मन के लाभ
महासमुंद जिला म 14 हजार 788 मज़दूर मन ल 4 करोड़ 68 लाख ले जादा के राशि बांटे गीस
महासमुंद, छत्तीसगढ़ शासन श्रम विभाग ह पंजीकृत निर्माण अऊ आन सन्निर्माण कर्मकार मन के कल्याण बर चलाए जात कई ठन जनकल्याणकारी योजना मन के लाभ जिला के मज़दूर मन तक सरलग पहुँचावत हे। पंजीकृत मज़दूर मन ल शिक्षा, स्वास्थ्य, औजार सहायता, मातृत्व लाभ, मृत्यु सहायता अऊ घर जइसे बहुत अकन योजना मन के लाभ देहे जात हे। ए योजना मन ह हजारों निर्माण मज़दूर मन के जीवन म नवा अंजोर बगराए हे। शासन के मंशा के मुताबिक हर एक पंजीकृत श्रमिक परिवार ल सामाजिक सुरक्षा अऊ आर्थिक सशक्तिकरण के अवसर देहे खातिर श्रम विभाग कोति ले सरलग शिविर, पंजीयन अऊ जागरूकता गतिविधि मनके माध्यम ले योजना मन के जादा ले जादा लाभ पात्र मन तक पहुँचाए जात हे।
जिला के मज़दूर मन ल 4 करोड़ 68 लाख ले जादा के राशि बांटे गीस
कलेक्टर महासमुंद के मार्गदर्शन म श्रम कल्याण मंडल महासमुंद ह डीबीटी के माध्यम ले मज़दूर मन के खाता म सीधा सहायता राशि डारे गए हे, ताकि पारदर्शिता बने रहय अऊ लाभ समय म मिलय। श्रम पदाधिकारी ह बताइस के पाछू 17 सितमबर अऊ 3 अकटूबर 2025 ल डीबीटी के माध्यम ले 14 हजार 788 मज़दूर मन के खाता म 4 करोड़ 68 लाख 690 रुपिया के राशि छत्तीसगढ़ भवन अऊ आन सन्निर्माण कर्मकार कल्याण मंडल कोति ले अंतरित करे गीस।
सुरक्षा उपकरण सहायता योजना अंतर्गत 3 हजार 443 मज़दूर मन ल मिलीस लाभ
महासमुंद जिला म श्रम विभाग अंतर्गत मुख्यमंत्री निर्माण मज़दूर सुरक्षा उपकरण सहायता योजना अंतर्गत 3 हजार 443 मज़दूर मन ल 51 लाख 64 हजार 500 रुपिया के सहायता देहे गीस। अइसनहे निर्माण मज़दूर मन के लइका मन बर निःशुल्क गणवेश अऊ पुस्तक कॉपी बर सहायता राशि योजना अंतर्गत 3005 मज़दूर मन ल 40 लाख 72 हजार रुपिया के सहायता राशि देहे गीस।
महतारी जतन योजना अंतर्गत महासमुंद ले 79 श्रमिक होइन लाभान्वित
मुख्यमंत्री सायकल सहायता योजना अंतर्गत 2 हजार 724 श्रमिक मन ल एक करोड़ 89 हजार 6 रुपिया, मुख्यमंत्री श्रमिक औजार सहायता योजना अंतर्गत 2 हजार 629 मज़दूर मन ल 91 लाख 41 हजार 584 रुपिया के सहायता राशि देहे गीस। अइसनहे मुख्यमंत्री नौनिहाल छात्रवृत्ति योजना अंतर्गत 2 हजार 323 मज़दूर मन ल 44 लाख 10 हजार 500 रुपिया, मुख्यमंत्री नोनी सशक्तिकरण सहायता योजना अंतर्गत 287 मज़दूर मन ल 57 लाख 40 हजार रुपिया, मुख्यमंत्री श्रमिक सियान सहायता योजना अंतर्गत 150 मज़दूर मन ल 30 लाख रुपिया, मुख्यमंत्री नोनी बाबू मेधावी शिक्षा सहायता योजना अंतर्गत 108 मज़दूर मन ल 5 लाख 82 हजार रुपिया, मिनीमाता महतारी जतन योजना अंतर्गत 79 मज़दूर मन ल 15 लाख 80 हजार रुपिया सहायता राशि देहे गीस।
निर्माण श्रमिक के मृत्यु अऊ दिव्यांग सहायता योजना
महासमुंद जिला म मुख्यमंत्री निर्माण श्रमिक मृत्यु अऊ दिव्यांग सहायता योजना अंतर्गत 27 मज़दूर मन ल 27 लाख रुपिया, मुख्यमंत्री सिलाई मशीन सहायता योजना अंतर्गत 9 मज़दूर मन 71 हजार 100 रुपिया, निर्माण मज़दूर मन के लइका बर उत्कृष्ट खेल प्रोत्साहन योजना अंतर्गत 3 मज़दूर मन एक लाख 50 हजार रुपिया, दीदी ई-रिक्शा सहायता योजना अंतर्गत एक श्रमिक ल एक लाख रुपिया के के सहायता राशि देहे गए हे।
