छत्तीसगढ़ सरकार के कल्याणकारी योजना मन ल जन-जन तक पहुंचावत हे कला जत्था दल

रायपुर, 12 जनवरी 2021। छत्तीसगढ़ सरकार के कई ठन कल्याणकारी योजना अऊ कार्यक्रम मन के जानकारी ग्रामीण क्षेत्र मन म खासकर आदिवासी बाहुल्य बस्तर संभाग के गांव मन म कला जत्था दल ह लोकगीत-संगीत, नृत्य अऊ नाटक मन के माध्यम ले पहुंचाए जात हे। ये दल साप्ताहिक हॉट-बाजार अऊ सार्वजनिक महत्व के स्थान मन म जन कल्याणकारी अऊ हितग्राहीमूलक योजना मन के प्रचार-प्रसार करत हें। प्रशिक्षित कला जत्था दल मन स्थानीय बोली-भाषा म पारम्परिक लोकगीत-संगीत अऊ नृत्य के माध्यम ले योजना मन के जानकारी आमजन तक पहुंचाए जात हे।
कला जत्था दल मन के लोक लुभावन कार्यक्रम मन के संग योजना मन के प्रचार-प्रसार ल देखे अऊ सुने बर मनखे मन म भारी उत्सुकता देखे जात हे। कला जत्था दल मन जनसंपर्क विभाग कोति ले राज्य सरकार के योजना मन अऊ उपलब्धि मन उपर प्रकाशित ब्रोशर अऊ पुस्तक घलोक मनखे मन ल निःशुल्क बांटत हें। कला जत्था दल के माध्यम ले प्रचार प्रसार बर बस्तर संभाग के सातों जिला मन के 15-15 स्थान मन के चयन करे गए हे। दस अलग-अलग कला जत्था दल मन के माध्यम ले राज्य शासन के जन कल्याणकारी योजना मन के व्यापक प्रचार-प्रचार करे जात हे।