रइपुर. 1 अप्रैल 2021 बिरस्पत। छत्तीसगढ़ म मार्च-2020 के तुलना म मार्च-2021 म जीएसटी सकेले म 22 फीसदी के बढ़ौतरी होय हावय। छत्तीसगढ़ ये बछर मार्च महीना म देश म जीएसटी संग्रहण म सर्वाधिक वृद्धि वाले राज्य मन म गिनाय लगे हे। केन्द्रीय वित्त मंत्रालय कोति ले जीएसटी राजस्व कर के सकेले संबंध में जारी रिपोर्ट के अनुसार प्रदेश म पाछू बछर मार्च म 2093 करोड़ 17 लाख रूपिया के जीएसटी सकेला होय रिसिहे। पाछू बछर के तुलना म ये बछर मार्च म करीब 451 करोड़ रूपिया ले ज्यादा जीएसटी प्राप्त होय हावय। वित्तीय वर्ष 2020-21 के आखिरी महीना मार्च-2021 म राज्य म 2544 करोड़ 13 लाख रूपिया के जीएसटी सकेलाए हावय।
प्रदेश सरकार की राजीव गांधी किसान न्याय योजना, गोधन न्याय योजना, मनरेगा के व्यापक स्तर के क्रियान्वयन, तेंदूपत्ता क बने दर म खरीदी अउ लघु वनोपज मन के दाम म वृद्धि ले राज्य के ग्रामीण, किसान, आदिवासी मन ल सीधे फायदा पहुंचे हावय। इही सेति छत्तीसगढ़ के अर्थव्यवस्था अउ बाजार कोरोना संक्रमण काल म तको गतिशील बने हावय।
कोरोना संकट के दौरान रियल इस्टेट सेक्टर ल सक्रिय बनाए रखे खातिर जमीन मन के खरीदी-बिक्री के शासकीय गाइडलाइन दर म 30 प्रतिशत के छूट देहे गे हे। ऑटोमोबाइल सेक्टर म तको बने कारोबार होय हे। लॉक-डाउन के दौरान तको प्रदेश के कोयला खदान अउ इस्पात उद्योग मन म उत्पादन जारी रिहिस। कोरोना संकट के बावजूद जीएसटी संग्रहण म होय बढ़ौतरी राज्य शासन कोति ले आर्थिक क्षेत्र म अपनाए गेहे नीति मन के सफलता ल इंगित करत हे।