छत्तीसगढ़ राज्य हज समिति म सदस्य मन के नामांकन

रायपुर, राज्य शासन कोति ले छत्तीसगढ़ हज समिति म सदस्य मन के नामांकन करे गए हे। ये संबंध म आदिम जाति अऊ अनुसूचित जाति विकास विभाग कोति ले अधिसूचना जारी कर देहे गए हे। आदिम जाति अऊ अनुसूचित जाति विकास विभाग कोति ले छत्तीसगढ़ राज्य हज समिति नियम के प्रावधान के मुताबिक छत्तीसगढ़ हज समिति म सदस्य बर श्री मोहम्मद असलम खान नयापारा रायपुर ल नामांकित करे गए हे। ये अधिसूचना 18 अकटूबर 2022 ले प्रभावशील माने जाही।
अइसनहे एक आन अधिसूचना के मुताबिक नियम मन म निहित प्रावधान के अनुसार राज्य के स्थानीय निकाय के तीन सदस्य मन ल छत्तीसगढ़ राज्य हज समिति म नामांकित करे गए हे। एमां श्री इमरान खान पार्षद सदर वार्ड नगर पालिक निगम जगदलपुर जिला बस्तर, श्री अफरोज अंजुम एल्डरमेन नगर पालिक निगम रायपुर अऊ श्री मोहम्मद इमरान पार्षद नगर पालिका परिषद अकलतरा जिला जांजगीर-चांपा सामिल हे। एखर अलावा नियम मन के प्रावधान के तहत अइसन मुस्लिम स्वैच्छिक संस्था के प्रतिनिधि मन ले जेन सार्वजनिक प्रशासकीय, वित्तीय, शैक्षणिक, सांस्कृतिक अऊ सामाजिक क्षेत्र म काम करत होए एमे ले श्री अब्दुल रज्जाक खान मौदहापारा रायपुर ल सदस्य नामांकित करे गए हे। ए मनोनित सदस्य मन के कार्यकाल राजपत्र म प्रकाशन तारीक ले तीन साल होही।