राज्य सभा सांसद श्री महेन्द्र भट्ट के हाथ मिलीस पुरस्कार
नई दिल्ली के भारत मण्डपम म आयोजित हे राष्ट्र स्टार के प्रदर्शनी
कृषि मंत्री श्री रामविचार नेताम ह दीस बधाई अऊ शुभकामना
रायपुर, 30 अगस्त 2024। देश के राजधानी नई दिल्ली के भारत मण्डपम म आयोजित राष्ट्र स्टार के प्रदर्शनी एग्रीटेक इनोवेट इंडिया म छत्तीसगढ़ उद्यानिकी अउ प्रक्षेत्र वानिकी ल उत्कृष्ट प्रदर्शनी बर पहिली पुरस्कार प्राप्त होय हे। कृषि विकास अउ किसान कल्याण मंत्री श्री राम विचार नेताम ह स्टॉल प्रदर्शनी म पहिली स्थान प्राप्त करे बर बधाई अऊ शुभकामना देहे हे। उद्यानिकी विभाग के संचालक श्री जगदीशन एस. के मार्गदर्शन म उद्यानिकी अउ वानिकी किसान मन के सफलता के कहानी उपर आधारित प्रदर्शनी लगाए गए हे।
जानबा हे कि नई दिल्ली म 29 ले 31 अगस्त तक आयोजित एग्रीटेक इनोवेट इंडिया प्रदर्शनी म छत्तीसगढ़ शासन के उद्यानिकी अउ प्रक्षेत्र वानिकी, विभाग ह घलोक स्टॉल लगाए हे। ए स्टॉल म उद्यानिकी उत्पाद पुष्प, फल, सब्जी अउ प्रसंस्कृत उत्पाद ले सुसज्जित करके प्रगतिशील किसान मन के सफलता के कहानी प्रदर्शित करे गए हे। स्टॉल म सक्ती जिला के मल्लिका किसिम के आम अउ जेरेनियम के बने रूम फ्रेशनर आदि प्रसंस्कृत उत्पाद प्रदर्शित करे गए हे, जेन मुख्य आकर्षण के केंद्र बने हे।
प्रदर्शनी के दूसरे दिन आज छत्तीसगढ़ उद्यानिकी अउ प्रक्षेत्र वानिकी के स्टॉल ल आगंतुक अउ जनप्रतिनिधि मन संग प्रबुद्धजन मन कोति ले काफी सराहना मिले हे। स्टॉल म दिल्ली संग आन राज्य मन के किसान उत्साह के संग प्रदर्शनी के अवलोकन करत हे।