देश अऊ विदेश म पसंद के निवेश स्थल के रूप म पहिचान बनावत हे छत्तीसगढ़: श्री भूपेश बघेल

रायपुर, 19 जनवरी 2021। मुख्यमंत्री श्री भूपेश बघेल ह असम दउरा के बेरा म गुवाहाटी म छत्तीसगढ़ म विनिर्माण अऊ संबद्ध क्षेत्र मन म पूंजी निवेश ल बढ़ावा देहे बर उत्तर पूर्व क्षेत्र के कई ठन औद्योगिक संगठन अऊ उद्योग के प्रतिनिधि मन ले मुलाकात करिन।
ये बेरा म मुख्यमंत्री ह कहिन के छत्तीसगढ़ के नवा उद्योग अऊ व्यापार अनुकूल नीति के सेती राज्य के अर्थव्यवस्था कृषि, लोहा, इस्पात, सीमेंट अऊ थर्मल पावर जइसे संपन्न कोर सेक्टर उद्योग अऊ लघु अऊ मध्यम श्रेणी के उद्योग मन के चालू होए के सेती अड़बड़ बाढ़े हे।
पीएचडी चैम्बर ऑफ कॉमर्स के प्रतिनिधि मन ह उत्तर पूर्व क्षेत्र के अध्यक्ष अऊ प्रबंध निदेशक, ERAMAC (उत्तर पूर्वी क्षेत्रीय कृषि विपणन कॉर्पोरेशन) श्री मनोज कुमार दास अऊ उप निदेशक, पीएचडी चैम्बर उत्तर पूर्व क्षेत्र श्री एस. के. हजारिका के नेतृत्व म मुख्यमंत्री श्री बघेल ले मुलाकात करिन अऊ छत्तीसगढ़ म पूंजी निवेश के संभावना मन उपर विचार-विमर्श करिन।
मुलाकात के समय आईआईएम कलकत्ता इनोवेशन पार्क इनक्यूबेटर के मुख्य परिचालन अधिकारी श्री प्रांजल कोंवर ह बताइस के ओ मन पहिली ले ही 36 आईएनसी (छत्तीसगढ़ राज्य इनक्यूबेटर) के संग काम करत हे। ग्रीन वैली राइस टेक प्राइवेट लिमिटेड के निदेशक श्री आशीष कुमार बजाज ह घलोक कई क्षेत्र मन म छत्तीसगढ़ म निवेश करे म अपन रुचि देखाईन।
भारतीय उद्योग परिसंघ (सीआईआई) के प्रतिनिधि मन ह उत्तर पूर्व परिषद के सह अध्यक्ष श्री अभिजीत बरूआ अऊ सीआईआई के निदेशक श्री शांता सरमा के नेतृत्व म मुख्यमंत्री ले मुलाकात करिन। ये बेरा म मुख्यमंत्री श्री बघेल ह छत्तीसगढ़ म उद्योग अऊ व्यापार ल बढ़ावा देहे के राज्य सरकार के नीति अऊ पूंजी निवेश आकर्षित करे बर भविष्य के योजना उपर प्रकाश डारिन। फेडरेशन ऑफ इंडस्ट्री एण्ड कॉमर्स अऊ नॉर्थ ईस्टर्न रीजन के निदेशक श्री बिस्वजीत हजारिका, भारतीय वाणिज्य अऊ उद्योग महासंघ (फिक्की) के प्रतिनिधि अऊ बीएमजी इन्फॉरमेटिक्स के सह-संस्थापक श्री जॉयदीप गुप्ता अऊ श्री मोनोजीत भट्टाचार्जी ह घलोक गुवाहाटी म मुख्यमंत्री ले मुलाकात करिन।
श्री बघेल ह सबो प्रतिनिधि मन के संग विस्तार ले चर्चा करिन। उमन छत्तीसगढ़ के क्षमता, संसाधन अऊ संभावना मन उपर प्रकाश डालिन। श्री बघेल ह अपन संबोधन के समय छत्तीसगढ़ नवा औद्योगिक नीति 2019-24 के प्रमुख विशेषता मन के बारे म बताइन, जऊन समावेशी आर्थिक विकास उपर केंद्रित हे। श्री बघेल ह राज्य म निवेश के प्राथमिकता वाले क्षेत्र जइसे के खाद्य प्रसंस्करण, इथेनॉल, रत्न अऊ आभूषण, लघु वनोपज आदि के बारे म प्रकाश डालिन। उमन छत्तीसगढ़ के जमीन दर अऊ पट्टा के किराया म राज्य सरकार कोति ले देहे गए रियायत मन के बारे म घलोक जानकारी दीन। मुख्यमंत्री ह कहिन के छत्तीसगढ़ ह पाछू दू बछर म उद्योग मन ल बढ़ावा देहे बर कई प्रगतिशील कदम उठाए हे, जेखर से भारत म सबसे पसंद के निवेश स्थल मन के रूप म छत्तीसगढ़ घलोक उभरे हे।
श्री बघेल ह कहिन के छत्तीसगढ़ के प्राकृतिक संसाधन मन म वेल्यू एडीशन अऊ कई ठन प्रकार के उद्योग के चालू होए ले विकास के नवा संभावना निर्मित होए हे। उद्योग अऊ व्यापार जगत म नवाचार अऊ प्रौद्योगिकी के बढ़त उपयोग ले छत्तीसगढ़ ह भारत म पसंद के व्यावसायिक स्थल के रूप म विशेष पहिचान बनाय हे। श्री बघेल ह निवेशक मन ल ये घलोक बताइन के छत्तीसगढ़ म अनुकूल कारोबारी माहौल हे। उमन निवेशक मन ल छत्तीसगढ़ आए अऊ राज्य म व्यापार के अवसर के पता लगाय बर नेवता देहे हें।