- नगरीय निकाय मन ल 30.32 करोड़ रूपिया के चुंगी क्षतिपूर्ति राशि जारी
- सफाई अउ आन व्यवस्था बर 17.30 करोड़ रूपिया स्वीकृत
- कटघोरा निकाय ल 30 लाख रूपिया के विशेष सहायता
- नगरीय प्रशासन अउ श्रम मंत्री डॉ. डहरिया ह प्रेसवार्ता म दीन जानकारी
रायपुर, 17 अप्रैल 2020। नगरीय प्रशासन अउ श्रम मंत्री डॉ. शिवकुमार डहरिया ह आज विडियो कॉन्फ्रेसिंग के जरिये मीडिया प्रतिनिधि मन ले चर्चा करिन। ये बेरा म श्रम विभाग के सचिव श्री सोनमणि बोरा अऊ नगरीय प्रशासन विभाग के सचिव श्रीमती अलरमेलमंगई डी घलोक उपस्थित रहिन।
श्रम मंत्री डॉ. डहरिया ह बताइस के कोरोना वायरस के संक्रमण ले सुरक्षा बर लागू लॉकडाउन के बेरा म छत्तीसगढ़ के आन राज्य मन म फंसे सात हजार 384 श्रमिक मन ल 49 लाख 26 हजार 900 रूपिया के आर्थिक सहायता देहे गए हे। उमन बताइन के कई माध्यम ले मिले सूचना के मुताबिक छत्तीसगढ़ के जिला अउ राज्य ले बाहिर करीबन एक लाख 62 हजार 649 श्रमिक मन के समस्या मन के निराकरण करे गीस अऊ ओ मन ल लाभांवित करे गीस।
श्रम मंत्री ह बताइस के श्रमिक मन के समस्या मन बर राज्य स्तर म 24ग7 हेल्पलाईन 0771-2443809, 91098-49992 अउ 75878-22800 अऊ सबो 27 जिला मन म हेल्पलाईन नंबर जारी करे गए हे। राज्य हेल्पलाईन ले अब तक 4357 सूचना मिले हे जेमां ले 4163 सूचना मन के निराकरण तुरंते करे गीस अउ जिला हेल्पलाईन नंबर ले अब तक कुल 1792 सूचना मिले हे, जेमां ले 1788 सूचना मन के निराकरण तुरंते करे गीस। श्रम विभाग ल अब तक कुल 6149 सूचना मिले हे जेमां ले 5951 सूचना मन के निराकरण तुरंते करे गए हे।
छत्तीसगढ़ के कुछ जिला मन के श्रमिक आन राज्य म लॉकडाउन के बेरा म फंसे हें। उंखर समस्या मन ल देखत जिला प्रशासन कोति ले श्रमिक मन के खाता म नगद राशि के भुगतान करे गए हे। जेमा मुंगेली जिला के 3432 श्रमिक बेमेतरा जिला के 3553, कबीरधाम के 274, दुर्ग-58, रायगढ़-30, सूरजपुर-29, गरियाबंद-5, कोरबा-2 अऊ बलरामपुर जिला के एक श्रमिक ल मिलाके कुल 7379 श्रमिक मन के खाता म कुल 49.27 लाख रूपिया के भुगतान करे गए हे। राहत शिविर अउ औद्योगिक परिसर अऊ कार्यस्थल म रहत करीबन 38 हजार 404 श्रमिक मन बर प्रशासन अउ आन संगठन मन के माध्यम ले भोजन, राशन अउ आन व्यवस्था कराए गए हे।
राज्य म हेल्पलाईन, जिला हेल्पलाईन, सोशल मिडिया, प्रिंट अउ इलेक्ट्रोनिक मिडिया, जनप्रतिनिधि अउ अधिकारी मन ले सीधा संपर्क अउ आन स्त्रोत ले मिले जानकारी के आधार म अब तक छत्तीसगढ़ के आन राज्य मन म कुल 64 हजार 416 प्रवासी श्रमिक मन ल राशन अउ आन जरूरत के संगेच समस्या मन के निराकरण करे गीस। सबले जादा जम्मू-15 हजार 855, महाराष्ट्र-11 हजार 718, उत्तर प्रदेश-10 हजार 365, तेलंगाना- सात हजार 927, गुजरात-5 हजार 599, मध्यप्रदेश- एक हजार 686, हिमांचल प्रदेश-एक हजार 575, कर्नाटक-एक हजार 427, तमिलनाडू- एक हजार 404, दिल्ली-एक हजार 228 अउ राज्य मन म होए के सूचना मिलीस, जिंकर बलौदा-बाजार-20 हजार 424, जांजागीर-चांपा-11 हजार 159, मुंगेली-6 हजार 144, कबीरधाम-5 हजार 850, राजनांदगांव-5 हजार 365, बिलासपुर-4 हजार 129, बेमेतरा-3 हजार 559, रायगढ़-2 हजार 112, रायपुर-एक हजार 352, दुर्ग एक हजार 187, गरियाबंद-622, सूरजपुर-464, महासमुंद 424, बालोद-332 अउ 327 कोरबा जिला मन ले संबंधित हे।
श्रम विभाग के 62 अधिकारी मन के टीम ह 480 कारखाना, औद्योगिक संस्थान मन के दौरा करे गीस, जेमां श्रम विभाग कोति ले नियोजक मन के माध्यम ले कुल 102.15 लाख रूपिया के सहायता नगद अउ राशन उपलब्ध कराए गीस।
रायगढ़ म श्रमिक मन ल 15 दिन के वेतन के बराबर एडवांस रूपिया 21 लाख 39 हजार 550 रूपिया, दुर्ग म 60 हजार रूपिया, बस्तर म 27 हजार रूपिया, जांजगीर-चांपा म एक लाख 20 हजार 500 रूपिया ऊंखर नियोजक मन ले देवाए गीस अउ कोरबा जिला म श्रमिक मन ल एक लाख 29 हजार 805 रूपिया एडवांस सैलरी नियोजक कोति ले देवाए गीस। ये प्रकार ले वेतन एडवासं के रूप म श्रमिक मन ल 24 लाख 76 हजार 855 रूपिया के सहायता देवाए गीस।
ईएसआई के माध्यम ले राज्य भर म 42 क्लीनिक संचालित हे, जेखर माध्यम ले 20 हजार 583 श्रमिक मन ल इलाज अउ दवा वितरण करे गए हे।
रायगढ़ के श्रमिक श्री रोहित सिंह के भुटान देश म संकटापन्न स्थिति के जानकारी प्राप्त होए म नोडल अधिकारी अउ श्रम सचिव, श्री सोनमणि बोरा ह भुटान म नियोजक ले संपर्क करके समन्वय करत श्रमिक ल वेतन संग राशन के व्यवस्था करवाए गीस।
ये प्रकार ले मुंगेली जिला के श्रमिक श्री कमल साहू के मृत्यु, प्रयागराज उत्तर प्रदेश म निर्माणाधीन मकान म काम के बेरा म होए के सूचना प्राप्त होतेच तुरंत ऊंखर परिवार ल, नियोजक के माध्यम ले क्षतिपूर्ति राशि एक लाख 20 हजार रूपिया देवाए गीस। एखर अलावा छत्तीसगढ़ भवन सन्निर्माण कर्मकार कल्याण मण्डल मुंगेली कोति ले मृत्यु अनुदान सहायता राशि एक लाख 5 हजार रूपिया देहे के व्यवस्था करे गीस।
डॉ. डहरिया ह नगरीय प्रशासन विभाग अउ विकास विभाग कोति ले करे जात उदीम मन के बारे म बताइन के नगरीय निकाय मन ल अवइया महीना म जम्मो व्यवस्था सुचारू रूप ले चालू रखे बर राज्य शासन कोति ले महिना अप्रैल अउ मई के चुंगी क्षतिपूर्ति के राशि 30 करोड़ 32 लाख नगरीय निकायो मन ल जारी करइया हे। एखर संगेच नगरीय निकाय मन के मांग म सफाई अउ आन व्यवस्था मन बर कई ठन मद म 17 करोड़ 30 लाख रूपिया के स्वीकृति जारी करे गए हे। महापौर अउ पार्षद निधि के 67 करोड़ 40 लाख रूपिया जारी होवइया हे।
