सेन फ्रांसिस्को म मुख्यमंत्री श्री बघेल ह छत्तीसगढ़िया मनले करिन मुलाकात
रायपुर, 12 फरवरी 2020। छत्तीसगढ़ के मुख्यमंत्री श्री भूपेश बघेल ह अपन अमेरिका दउरा के बेरा म आज सेन फ्रांसिस्को म रहत भारतीय मन ले विशेषकरके छत्तीसगढ़िया मन ले मुलाकात करिन। ये बेरा म छत्तीसगढ़ के व्यापारिक प्रतिनिधिमंडल ह मुख्यमंत्री श्री बघेल ले मुलाकात के बेरा म छत्तीसगढ़ म निवेश के इच्छा जताईन हें।
मुख्यमंत्री के अमेरिका दौरा ल लेके अप्रवासी भारतीय मन म अड़बड़ उछाह हे। सेन फ्रांसिस्को म मुख्यमंत्री के गर्मजोशी के संग स्वागत करे गीस। ये बेरा म बे एरिया के व्यापारिक प्रतिनिधिमण्डल के संग डिनर के आयोजन करे गीस। डिनर म सर्वश्री बी.जे. अरुण (टाई प्रेसिडेंट), राजू इंदुकुरी (भारत म डेटा सेंटर कंपनी के इन्वेस्टर), जग कपूर (मैकलिन थ्री स्टार साइसोन रेस्टोरेन्ट के मालिक), नितिन मेहता, सर्वज्न द्विवेदी, सुशांत पटनायक, पल्लव शर्मा, हरसूल असनानी (अमेरिका म टेक महिंद्रा के हेड) आदि इन्वेस्टर सामिल रहिन। ये बेरा म व्यापारिक प्रतिनिधिमंडल ह छत्तीसगढ़ म निवेश करके प्रदेश के उन्नति म भागीदार बने के इच्छा जाहिर करे हें।
