- मुख्यमंत्री श्री भूपेश बघेल के सियानी म छत्तीसगढ़ सरकार ह उठाए हे व्यापक कदम
- भारत सरकार के केबिनेट सचिव ह वीडियो कांफ्रेसिंग के संग सबो राज्य मन म करे इंतजाम मन के करिन समीक्षा
रायपुर, 05 अप्रैल 2020। नोवेल कोरोना वायरस (कोविड-19) के संक्रमण के रोकथाम अऊ नियंत्रण के प्रबंधन म छत्तीसगढ़ देश के टॉप 10 राज्य मन म हे। मुख्यमंत्री श्री भूपेश बघेल के नेतृत्व अऊ निर्देशन म छत्तीसगढ़ सरकार कोति ले ये दिशा म प्रभावी कदम उठाए गए हे।
भारत सरकार के केबिनेट सचिव श्री राजीव गौबा कोति ले आज सबो राज्य मन के मुख्य सचिव, स्वास्थ्य सचिव, पुलिस महानिदेशक अऊ देश के 730 जिला मन के कलेक्टर्स, पुलिस अधीक्षक, आयुक्त नगर निगम, सिविल सर्जन सह अस्पताल अधीक्षक, मुख्य चिकित्सा अउ स्वास्थ्य अधिकारी के संग वीडियो कांफ्रेसिंग के माध्यम ले कोविड-19 वायरस के रोकथाम अऊ नियंत्रण के रणनीति के संबंध म विस्तार ले समीक्षा करे गीस। छत्तीसगढ़ के मुख्य सचिव श्री आर.पी. मण्डल, सचिव स्वास्थ्य श्रीमती निहारिका बारिक सिंह अऊ सचिव सामान्य प्रशासन विभाग श्री कमलप्रीत सिंह ह ये वीडियो कांफ्रेसिंग म भाग लीन।
मुख्य सचिव श्री आर.पी. मण्डल ह बताइस के छत्तीसगढ़ प्रदेश म कोविड-19 महामारी के नियंत्रण अऊ रोकथाम बर भारत सरकार कोति ले जारी गाईड लाईन के पालन करे जात हे। छत्तीसगढ़ म अभी तक 1590 मनखे मन के टेस्ट करे गए हे। जेमां 10 केश पॉजिटिव पाए गे हे, ये मां 7 ल अस्पताल ले डिस्चार्ज कर दे गए हे। उमन बताइन के पर्सनल प्रोटेक्टिव इक्यूपेंट (पी.पी.ई.) किट्स बहुत मात्रा म उपलब्ध हे।
केबिनेट सचिव कोति ले लॉकडाउन के कड़ाई ले पालन करे के जरूरत बताए गीस अऊ कहे गीस के कहूं कोनो एकर उल्लंघन करत हे त सख्त कार्रवाई करे के निर्देश देहे गीस। तबलीगी जमात मरकज निजामुद्दीन दिल्ली ले भारत के कई राज्य अऊ जिला मन म गे तबलीगी जमात के मनखे उपर ध्यान देहे बर जोर देहे गीस। कोविड-19 के संक्रमण के रोकथाम अउ ईलाज बर जादा ले जादा संख्या म डेडीकेटेड हास्पिटल/यूनिट बनाए के निर्देश घलोक देहे गीस। क्वारंटिन के सुविधा बढ़ाए अऊ सोशल डिस्टेसिंग म घलोक जोर देहे गीस।