रइपुर, 05 जून 2021 शनिच्चर। छत्तीसगढ़ सरकार, इंडिया पवेलियन, लंदन डिजाइन प्रदर्शनी के सम्मानित प्रायोजक मन म हे, एकर राज्य वन नीति, उन उन्नत विचार मन के हिस्सा हे जउन संसार के सबले बड़े डिज़ाइन प्रदर्शनी म देखाए जाही।
लंदन डिजाइन प्रदर्शनी के तीसरइया संस्करण 01 जून 2021 ले 27 जून, 2021 तक लंदन के सॉमरसेट हाउस म आयोजित करे जाही जेकर संग्रहाध्यक्ष डेवलिन होही। ये प्रदर्शनी म 6 ठिन महाद्वीप ले आये, ऑस्ट्रिया, कनाडा , हॉन्कॉन्ग, भारत, इजराइल, वेनुजुएला सम्मेत 22 ठन देश हिस्सा लेंही अउ गूंज आधारित विषय म अपन विचार मन ल पेश करहीं। अपने डिजायन ले, प्रतिभागी एस डेवलिन के प्रश्न ‘वर्तमान के समस्या मन के डिज़ाइन ले कइसे समाधान देहे जा सकत हे’ के उत्तर देहे के कोशिश करहीं।
एकर संचालन, भारत के प्रमुख वास्तुकार अउ डिज़ाइन विचारक निशा मेथुइ घोष करही अउ वोेमन भारत के नवा पारिस्थितिक एजेंडा ल विश्व पटल म रखहीं।
‘छोटा ही सुन्दर है : एक अरब विचार ‘ नाम के प्रदर्शनी, भारत के डिज़ाइन विचारक मन के विचार के अइसन झलक होही जोन पारिस्थितिक तंत्र ले समस्या अउ जलवायु संकट के नवा युग के डिजाइन ले समाधान प्रस्तुत करही।
इंडिया पवेलियन केे प्रायोजक अउ प्रदर्शनी के हिस्सा होए के सेति, मुख्यमंत्री दाउ भूपेश बघेल के नेतृत्व म छत्तीसगढ़ सरकार, राज्य वन नीति ल प्रस्तुत अउ प्रदर्शित करही ।
छत्तीसगढ़ राज्य वन नीति ल, एकर बहुआयामी डिज़ाइन अउ दूरदर्शिता के सेति, मुख्य संचालक निशा मेथुइ घोष कोति ले मुख्य आकर्षण के रूप म चुने गे हवय। ये ह वन नीति, निजी क्षेत्र, किसान, ग्राम पंचायत अउ सरकारी विभाग मन डाहर ले, लकड़ी बर वाणिज्यिक वृक्षारोपण ल बढ़ावा अउ मदद देहे बर केंद्रित हे। एकर छोड़, ये वन नीति , राज्य म हरियाली ल बड़का रूप ले बढ़ावा देही जेकर ले वन क्षेत्र म वृद्धि होही अउ राज्य म जलवायु समस्या, भूजल -स्तर , सूखा अउ बाढ़ के रोकथाम म मददगार साबित होही।
छत्तीसगढ़ राज्य के वन नीति ल मान्यता मिलना, राज्य बर गर्व के विषय हे।
