मुख्यमंत्री श्री साय ह वन किलिक सिंगल विंडो सिसटम 2.0 के करिन शुभारंभ : इज ऑफ डूइंग बिजनेस म छत्तीसगढ़ बनही देश के अगुवा राज्य

रायपुर, मुख्यमंत्री श्री विष्णु देव साय ह काली रायपुर म आयोजित छत्तीसगढ़ इंडस्ट्री डायलॉग-2 के शुभारम्भ अवसर म संबोधित करत कहिन के छत्तीसगढ़ अब केवल कोर सेक्टर तक सीमित न ही, बल्कि सेमीकंडक्टर, आर्टिफिशियल इंटेलिजेंस, फार्मा, डिफेंस, एयरोस्पेस अऊ ग्रीन हाइड्रोजन जइसे अत्याधुनिक उद्योग के राष्ट्रीय केंद्र बने बर तैयार हे।
मुख्यमंत्री श्री साय ह निवेशक मन के स्वागत करत कहिन के छत्तीसगढ़ के नवा औद्योगिक नीति रोजगार अऊ आर्थिक समृद्धि उपर केंद्रित हे। हम अपन राज्य ल नक्सल प्रभावित अतीत ले बाहिर निकालके देश के सबले गतिशील औद्योगिक अऊ तकनीकी हब बनावत हन। ये प्रदेश अब निवेश के सबले आकर्षक गंतव्य बन चुके हे।
कार्यक्रम म मुख्यमंत्री श्री विष्णु देव साय ह कहिन कि एक दिन पहिली आयोजित केबिनेट के बैठक म हमन छत्तीसगढ़ राज्य लॉजिस्टिक पॉलिसी-2025 के प्रारूप के अनुमोदन करे हन। ये नीति छत्तीसगढ़ ल राष्ट्रीय लॉजिस्टिक हब के रूप म स्थापित करे के दिशा म मील के पत्थर सिद्ध होही। मुख्यमंत्री ह कहिन के छत्तीसगढ़ के भौगोलिक स्थिति देश के कनेक्टिविटी के केंद्र बिंदु हे। ये नीति लॉजिस्टिक सेक्टर अऊ ई-कॉमर्स म राष्ट्रीय अउ अंतरराष्ट्रीय निवेश ल आकर्षित करही, निर्यात अधोसंरचना ल मजबूत करही अऊ सस्ता भंडारण सुविधा मन के विस्तार करही। लॉजिस्टिक नीति ले राज्य म ड्राई पोर्ट, इनलैंड कंटेनर डिपो के स्थापना ल प्रोत्साहन मिलही, उद्योग, व्यापार अऊ किसान मन ल आधुनिक, सस्ता भंडारण अऊ वितरण सुविधा प्राप्त होही, लॉजिस्टिक लागत म कमी के माध्यम ले व्यापार अऊ निर्यात ल बढ़ावा मिलही।