रइपुर, 11 अप्रैल 2021 इतवार । मुख्यमंत्री दाउ भूपेश बघेल ह लोकवाणी के 17 वां कड़ी म कहीन कि छत्तीसगढ़ के बजट नियाव के अवधारणा ल आगू बढ़इया हवय। एमा कोरोना काल के सबक ग्लोबल इंसानियत अउ लोकल संसाधन मन ले स्थानीय लोगन मन के सशक्तीकरण उपर म जोर देहे गे हे।
मुख्यमंत्री दाउ भूपेश बघेल ह ‘नवा बजट-नवा लक्ष्य’ विषय म श्रोता मन के सवाल मन के जवाब देवत कहीन कि छत्तीसगढ़ म ए बछर सबो लोगन के हित ल धियान म रखके बजट पेश करे गे हवय। ।
मुख्यमंत्री दाउ बघेल ह कहीन कि राजीव गांधी किसान न्याय योजना के उद्देश्य प्रदेश म किसान भाई मन ल सशक्त बनाना हे। पहिली बछर 2500 रूपए प्रति क्विंटल के दर से धान के भुगतान करेन । दूसरइया बछर समर्थन मूल्य म खरीदी के नियम के अनुसार समर्थन मूल्य के भुगतान करने अउ राजीव गांधी किसान न्याय योजना के माध्यम ले धान, मक्का, गन्ना आदि फसल लेवइया लगभग 19 लाख किसान मन ल 5 हजार 628 करोड़ के भुगतान करे गइस । ए बछर हमन 20 लाख 53 हजार किसान मन ले 92 लाख मीट्रिक टन धान खरीदी करे हवन, जउन प्रदेश के इतिहास म धान खरीदी के सबले बड़का कीर्तिमान हरे। बछर तको हमन राजीव गांधी किसान न्याय योजना के तहत किसान मन ल नगद सहायता देहे बर 5 हजार 703 करोड़ रूपिया के बजट प्रावधान रखे हवन ।
भूमिहीन श्रमिक मन ल नियमित आय ले जोड़े नवीन न्याय योजना
कौशल्या मातृत्व योजना के लाभ 24 हजार प्रसूता बहिनी मन ल मिलही।
गोधन नियाव योजना म हितग्राही मन ल 90 करोड़ रुपिया के भुगतान
गौठान योजना बर बजट म 175 करोड़ रूपिया के प्रावधान
स्व-सहायता समूह मन ल वर्मी खाद उत्पादन अउ बिक्री, गोबर दीया निर्माण आदि कार्य मन ले अर्जित के लगभग 950 करोड़ रूपिया के आय
किसान मन ल 5 हजार 900 करोड़ रूपिया के ब्याज मुक्त ऋण वितरण के लक्ष्य
कोरोना ले निजात पाए बर सब ल पूरा गंभीरता ले करे बर होही सुरक्षा के उपाय
किसान मन ल रियायती अउ निःशुल्क बिजली देहे बर 2500 करोड़ रूपिया के प्रावधान
35 हजार लंबित सिंचाई पम्प मन ल बिजली कनेक्शन देहे बर करीब 350 करोड़ रूपिया के प्रावधान
तेलघानी विकास बोर्ड, चर्म शिल्पकार विकास बोर्ड, लौह शिल्पकार विकास बोर्ड अउ रजककार विकास बोर्ड के माध्यम ले उठाए जाही परंपरागत कर्मकार मन के कल्याण के कदम
एकर छोड़ चिराग योजना के तहत 7 आदिवासी बहुल जिला अउ मुंगेली जिला के 14 विकासखण्ड मन म पोषण सुरक्षा व किसान मन के आर्थिक स्थिति म सुधार बर 150 करोड़ रूपिया के बजट प्रावधान राखे गे हवय । किसान मन ल बिना ब्याज ऋण देहे बर इतिहास म सबले बड़का लक्ष्य 5 हजार 900 करोड़ रूपिया ऋण वितरण के रखे हवय, जेकर बर बजट प्रावधान करे गे हवय । किसान मन ल रियायती अउ निःशुल्क बिजली देहे बर 2 हजार 500 करोड़ रूपए के प्रावधान हे । उहेंचे सिंचाई पम्प मन के ऊर्जीकरण म लगभग 1000 करोड़ रूपिया खरचा होही । सोलर पम्प मन बर 530 करोड़ रूपिया के प्रावधान हे त लगभग 35 हजार लंबित सिंचाई पम्प कनेक्शन देहे के काम तको पूर्ण करे जाही, जेमा करीब 350 करोड़ रूपिया खरचा होही । उद्यानिकी फसल मन के विकास बर अनुदान सहायता पर 495 करोड़ रूपिया खर्चा करे जाही। किसान मन केे जेब म जोन पैसा डाले जावत हे, वोह उन्कर शिक्षा, स्वास्थ्य, स्वावलम्बन अउ खुशहाली म लगय । ये तरह किसान मन के आय बढ़ाए, खेती ल लाभ के धंधा बनाए बर हमार सरकार कृत-संकल्पित हे।