मुख्यमंत्री ह ग्राम हंचलपुर म करिस आदर्श गौठान के लोकार्पण
बंदोबस्त सुधार बर गांव म शिविर लगाय के निर्देश
रायपुर, मुख्यमंत्री श्री भूपेश बघेल ह कहिन के गौठान छत्तीसगढ़ के जुन्ना गँवई परम्परा के हिस्सा ये। ’नरवा, गरूवा, घुरूवा अउ बाड़ी’ योजना के माध्यम से गांव मन म गौठान मन ल व्यवस्थित करे जात हे। ये गोठान गाय मन के नस्ल सुधार के संगेच किसान मन अउ समूह के महिला मन के आर्थिक स्थिति सुदृढ़ करे म महत्वपूर्ण साबित होही।
मुख्यमंत्री आज धमतरी जिला के कुरूद विकासखंड के ग्राम हंचलपुर म सुराजी गांव योजना के तहत बनाये गए आदर्श गौठान का लोकार्पण करत रहिन। ग्राम हंचलपुर म 940 मवेशि मन बर करीबन 9 एकड़ के रकबा म आदर्श गौठान बनाये गए हे। नरवा संरक्षण के तहत गौठान के तीर देमार नाला म करीब 50 लाख के लागत ले स्टॉप डेम बनाए गए हे, जेकर से पशु मन के पीये के पानी मिलही अउ ये पानी के उपयोग निस्तार अउ सिंचाई बर घलव करे जा सकही। मुख्यमंत्री ह गौठान म बर के पेड़ घलाव लगाइन। उमन इहाँ महिला समूह ले चर्चा करके गौमूत्र, गोबर, नीम से ले बने कीट नाशक अउ जैविक खाद के जानकारी लीन अउ कहिन के ऐसनहे ये काम म जादा ले जादा महिला मन जुड़के आत्मनिर्भर बनव।
