साधु-संत मन ह दीन असीस, छत्तीसगढ़ के हर मठ, संप्रदाय के साधु संत सामिल होइन शपथ ग्रहण समारोह म

रायपुर, 13 दिसंबर, 2023/कहे जाथे के संत मन के असीस अऊ उंखर पावन उपस्थिति म होए काम सफलता ले संपन्न होथे। आज शपथ ग्रहण समारोह के खास मौका म साधु समाज ल विशेष उपस्थिति अऊ मंच प्रदान करे गए रहिस। खास बात ये रहिस कि ये मौका म छत्तीसगढ़ के सबो मठ, संप्रदाय के साधु-संत मन ल विशेष रूप ले आमंत्रित करे गए रहिस। ये मां जांजगीर-चांपा के रामनामी संप्रदाय ले लेके सबो पंथ के साधक मन ल घलोक नेवता देहे गए रहिस।
साधु संत मन के उपस्थिति ह वातावरण ल गरिमामय कर दीस। एखर से छत्तीसगढ़ के धार्मिक-सांस्कृतिक वातावरण के विविधता अऊ संपन्नता घलोक अपन पूरा भव्यता ले अगू आईस।
जानबा हे कि छत्तीसगढ़ म महापुरूष मन के वाणी के गहरा असर लोक म रहे हे। छत्तीसगढ़ के चेतना के निर्माण के पीछू ए विभूति मन के बड़का योगदान रहे हे। आज शपथ ग्रहण समारोह म छत्तीसगढ़ के ये सुंदर सांस्कृतिक धार्मिक परंपरा ल उचित स्थान प्रदान करके छत्तीसगढ़ शासन ह ऐतिहासिक पहल करे हे।