छत्तीसगढ़ के वन क्षेत्र के वनोपज ले मनखे मन के जीवन म आवत हे बदलाव, मिलत हे रोजगार अऊ जीवन बनत हे उन्नत: श्री भूपेश बघेल

मुख्यमंत्री ह लीन वन विभाग के मैदानी अधिकारी मन के जरूरी बैठक

रायपुर, मुख्यमंत्री श्री भूपेश बघेल ह आज अटल नगर स्थित अरण्य भवन म वन विभाग के कार्य के विस्तार ले समीक्षा करिन। उमन कहिन के छत्तीसगढ़ म समृद्ध वन क्षेत्र हे अऊ इहां बहुतायत ले वनोपज हे। वन विभाग के अधिकारी अपन कार्य अऊ कार्यशैली ले वनांचल मन म रहइया मनखे मन के भरोसा जीतयं। वनोपज मन के उपयोग अइसे करे जाए जेखर से जादा संख्या म मनखे मन ल रोजगार मिलय अऊ उहां के नागरिक मन के जीवन उन्नत बनय, ऊंखर जीवन म बदलाव आवय। अइसन कार्य ले नक्सल जइसे समस्या ल दूर करे म घलोक मदद मिलही।



yndication.com/pagead/js/adsbygoogle.js”>



प्रधान मुख्य वन संरक्षक श्री राकेश चतुर्वेदी ह ऑडियो-वीडियो के प्रदर्शन के माध्यम ले वन विभाग के कार्य, दायित्व, विगीय अमला, वन सुरक्षा, नदी तट म वृक्षारोपण, हरियाली प्रसार योजना, बिगड़े वन मन के सुधार, नरवा के माध्यम ले नाला मन ल रिचार्ज करे के काम, बांस विकास योजना, कैम्पा योजना, वन्य प्राणी प्रबंधन, सबले कम समर्थन मूल्य म वनोपज मन के क्रय, राज्य वन अनुसंधान अऊ प्रशिक्षण संस्थान, छत्तीसगढ़ राज्य वन विकास निगम, छत्तीसगढ़ औषधी पादप बोर्ड के कार्य के जानकारी दीन। उमन संजीवनी के माध्यम ले वन उत्पाद मन के विक्रय के जानकारी घलोक दीन। उमन ह बताइन के नरवा योजना के अंतर्गत राज्य के 174 नाला मन ल मिनी वाटर शेड के आधार म चयन करके उपचारित करे के काम हाथ म लेहे जात हे। उमन बताइस के वनौषधि बोर्ड कोति ले छत्तीसगढ़ के परम्परागत वैद्य/बैगा मन के उपचार पद्धति के संकलन पूरा छत्तीसगढ़ म करे हे।