मुख्यमंत्री छत्तीसगढ़ मनवा कुर्मी क्षत्रिय समाज बलौदाबाजार राज के छठवां वार्षिक अधिवेशन म होइन सामिल
बलौदाबाजार जिला के सेम्हराडीह म आयोजित करे गीस कार्यक्रम
सेम्हराडीह म उप स्वास्थ्य केन्द्र के मंजूरी के घोषणा
रायपुर, 31 दिसम्बर 2023/ मुख्यमंत्री श्री विष्णु देव साय आज बलौदाबाजार जिला के सेम्हराडीह म आयोजित छत्तीसगढ़ मनवा कुर्मी क्षत्रिय समाज बलौदाबाजार राज के छठवां वार्षिक अधिवेशन म सामिल होइन। महाराष्ट्र के राज्यपाल श्री रमेश बैस कार्यक्रम के मुख्य आतिथ्य रहिन। छत्तीसगढ़ के खेल अउ युवा कल्याण अऊ राजस्व आपदा प्रबंधन मंत्री श्री टंक राम वर्मा अऊ विधायक श्री व्यास कश्यप घलोक कार्यक्रम म उपस्थित रहिन।
महाराष्ट्र के राज्यपाल श्री रमेश बैस अऊ मुख्यमंत्री श्री विष्णु देव साय ह कार्यक्रम के शुरूआत म समाज के महान विभूति मन ल ऊंखर फोटू एपर माल्यार्पण करके अउ दीप जला के नमन करिन। मुख्यमंत्री श्री साय ह कार्यक्रम म नागरिक मन के मांग म सेम्हराडीह म उपस्वास्थ केंद्र के मंजूरी के घोषणा करिन। उमन आर्थिक रूप ले कमजोर एक छात्र श्री दीपक वर्मा ल शिक्षा बर 25 हजार रूपिया के आर्थिक मदद के मंजूरी के घलोक घोषणा करिन। कार्यक्रम के समय अतिथि मन ह ‘‘परिणय पुष्प’’ अऊ ‘‘अरपा छत्तीसगढ़’’ सीरसक ले प्रकाशित पुस्तिका के विमोचन करिन। ये मौका म दू आदर्श विवाह संपन्न होइस, अतिथि मन ह नवविवाहित दम्पत्ति मन ल खुशहाल जीवन बर शुभकामना अऊ आशीर्वाद प्रदान करिन।
