- छत्तीसगढ़ मनवा कुर्मी क्षत्रिय समाज के महाधिवेशन म सामिल होइन मुख्यमंत्री
- सशक्त, मजबूत, समृद्ध अऊ आत्मनिर्भर राज्य बनाए म सबके सहभागिता होवय – मुख्यमंत्री
रायपुर, 23 फरवरी 2020। अमेरिका प्रवास के समय मैं ह उहां छत्तीसगढ़ राज्य के सतत विकास के मॉडल ल आगू रखेंव। अमेरिकन नागरिक समुदाय ल घलोक ये मॉडल बहुत पसंद आइस। सबो समुदाय के सहभागिता ले मजबूत अऊ विकसित राज्य के नेंव तियार होथे। मुख्यमंत्री श्री भूपेश बघेल ह ये बात ग्राम बटंग म आयोजित मनवा कुर्मी क्षत्रिय समाज के कार्यक्रम के अवसर म कहिन। उमन कहिन कि छत्तीसगढ़ ह सांस्कृतिक परंपरा के संगें-संग सामाजिक समरसता के विशेषता रखथे अऊ ये विशेषता राज्य के पहिचान स्थापित करके हमला आन मन ले अलग बनाथे। छत्तीसगढ़ म सबो जाति धर्म के मनखे एक संग बिना कोनो भेदभाव के निवास करके एक दूसर के सुख-दुख म सहभागी बनथें।
