देश के अर्थव्यस्था म जैन समाज के बहुत बड़ योगदान – श्री बघेल

रायपुर, मुख्यमंत्री श्री भूपेश बघेल ह कहे हें के जैन समाज के देश के अर्थव्यवस्था म बहुत बड़ योगदान हे, ऊंखर ए योगदान के सेती हम पूरा दुनिया म मूड़ी उठाके रेंगथंन। उमन कहिन के छत्तीसगढ़ राज्य म व्यापार अऊ उद्योग के अपार संभावना हे। राज्य म नवा उद्योग नीति बनाये जात हे, जैन समाज ये मां सार्थक भूमिका निभा सकत हे। राज्य म कृषि, उद्यानिकी, वनोपज आधारित उद्योग मन ल प्राथमिकता दे जात हे।

श्री बघेल आज जैनम मानस भवन म सकल जैन समाज कोति ले आयोजित अभिनंदन समारोह ल सम्बोधित करत रहिन। ए अवसर म समाज कोति ले मुख्यमंत्री के शॉल श्रीफल देके सम्मान करे गीस। कार्यक्रम म विधायक अउ पूर्व मंत्री श्री सत्यनाराण शर्मा, विधायक श्री कुलदीप जुनेजा अऊ श्री रेखचंद जैन, नगर निगम रायपुर के महापौर श्री प्रमोद दुबे संग सकल जैन समाज के श्री गजराज पगारिया, श्री महेन्द्र धाड़ीवाल, श्री इंदरचंद घड़ीवाल, श्री पारस चोपड़ा संग जैन समाज के बहुत अकन संगठन मन के पदाधिकारी अऊ सामाजिक बंधु उपस्थित रहिन।