रायपुर, मुख्यमंत्री श्री भूपेश बघेल ह आज इहां अपन निवास कार्यालय म ‘‘न्याय व स्वावलंबन के छत्तीसगढ़ मॉडल’’ थीम उपर केन्द्रित छत्तीसगढ़ शासन के साल 2022 के वार्षिक कैलेंडर गढ़बो नवा छत्तीसगढ़ साल 2022 के विमोचन करिस। साल 2022 के कैलेण्डर राज्य सरकार के फ्लैगशिप योजना मन उपर केन्द्रित हे। जेमां आकर्षक फोटोग्राफ्स के माध्यम ले शासन के योजना मन ल प्रभावी ढंग ले प्रदर्शित करे गए हे। जनसम्पर्क आयुक्त श्री दीपांशु काबरा अऊ संयुक्त सचिव जनसम्पर्क श्री उमेश मिश्रा घलोक ये बेरा म उपस्थित रहिन।
कैलेण्डर म महिना जनवरी के पन्ना म धान के कटोरा छत्तीसगढ़ के किसान मन ल सशक्त बनाए बर राज्य सरकार कोति ले हर साल समर्थन मूल्य म होत धान के खरीदी, राजीव गांधी किसान न्याय योजना के माध्यम ले कई ठन फसल मन ल देहे जात आर्थिक मदद ले खुशहाल किसान के फोटू प्रदर्शित करे गए हे। फरवरी महिना म छत्तीसगढ़ मिलेट मिशन के तहत रागी फसल ल दर्शाए गए हे। राज्य शासन कोति ले ये मिशन के तहत मिलेट फसल मन ल बढ़ावा देहे के संग ऊंखर प्रसंस्करण अऊ विपणन के सुविधा मन के विस्तार करे जात हे। मार्च महिना म सुराजी गांव अऊ गोधन न्याय योजना, गौठान मन के मल्टीयूटिलिटी सेंटर, वर्मी कम्पोस्ट तियार करत महिला मन ल फोटू म दर्शाए गए हे। राज्य सरकार कोति ले जैविक खेती ल बढ़ावा देहे अऊ गांव मन के पूरा आर्थिक विकास उपर जोर देहे जात हे। अपरेल महिना म लाख के खेती के फोटू दर्शाए गए हे। राज्य सरकार कोति ले समर्थन मूल्य म वनोपज मन के खरीदी अऊ प्रसंस्करण, लाख अऊ मछलीपालन ल कृषि के दर्जा देके वनवासी मन ल सशक्त करे के पहल करे गए हे। प्रदेश म 7 ले बढ़ाके 52 लघु वनोपज मन के समर्थन मूल्य म खरीदी, प्रसंस्करण अऊ विपणन ले लाखो मनखे मन ल रोजगार देहे के व्यवस्था करे गए हे।
मई महिना म जशपुर के चाय बागान दर्शाए गए हे। राज्य सरकार कोति ले प्रदेश के अंचल म जिहां परंपरागत खेती नइ होवत हे, उहां वैकल्पिक नगद फसल मन ल बढ़ावा देहे जात हे। बस्तर म कॉफी अऊ जशपुर म चाय के बागान तियार करे गए हे। अइसनहे जून महिना के पन्ना स्वच्छता दीदि मन ल समर्पित हे। छत्तीसगढ़ ल सरलग तीसर साल देश के सबले स्वच्छ राज्य के खिताब मिले हे। स्वच्छता म प्रदेशवासी मन के भागीदारी संग स्वच्छता दीदि अऊ सफाई कर्मी मन के ये उपलब्धि म बड़ योगदान हे। जुलाई महिना म गरीब लइका मन ल अंगरेजी माध्यम के शिक्षा ले जोड़के न्याय देवाए बर राज्य सरकार कोति ले चालू करे गए स्वामी आत्मानंद उत्कृष्ट अंगरेजी माध्यम शाला ल दर्शाए गए हे।
अइसनहे अगस्त महिना म आदिवासी अंचल, दूरस्थ गांव मन अऊ स्लम बस्ती मन म स्वास्थ्य सुविधा पहुंचाए बर छत्तीसगढ़ सरकार के नवा पहल मुख्यमंत्री हाट बाजार क्लिनिक योजना, मुख्यमंत्री शहरी स्लम स्वास्थ्य योजना, दाई-दीदी क्लिनिक योजना ल प्रदर्शित करे गए हे। सितमबर महिना के पन्ना जादा ले जादा मनखे मन ल रोजगार देवाए के राज्य सरकार के उदीम मन ल समर्पित हे। ये पन्ना म पुलिस म भर्ती तीसर लिंग युवा मन के फोटू प्रदर्शित करे गए हे। राज्य सरकार कोति ले न्याय के नवा परिभासा गढ़त तीसर लिंग युवा मन के पुलिस म भर्ती करे गए हे। एखर संग प्रदेश म कई ठन विभाग, ग्रामीण अऊ वन क्षेत्र मन म बहुत अकन योजना मन के माध्यम ले करीबन 50 लाख ले जादा मनखे मन ल रोजगार देवाए के पहल करे गए हे। अकटूबर महिना युवा उद्यमिता ल बढ़ावा देहे के उदीम मन उपर केन्द्रित हे, जेमे दंतेवाड़ा के डेनेक्स फैक्ट्री ल दर्शाए गए हे। राज्य सरकार कोति ले स्थानीय उत्पाद मन के ब्रांडिंग ले लेके ई-वर्ग पंजीयन ले अधोसंरचना निर्माण म युवा मन के भागीदारी ठउका करे ले युवा उद्यमिता ल नवा पांखी जामे लगे हे।
नवम्बर महिना ह, वन अधिकार अधिमान्यता पत्र ले आबंटित जमीन ल उपजाऊ बनाए खतिर कई ठन योजना मन के अभिसरण ले फूल, फल, सुगन्धित अऊ पौष्टिक उपज के खेती ल बढ़ावा अऊ विपणन के इंतजाम ले स्थानीय युवा मन ल बेहतर रोजगार के अवसर देहे के योजना उपर केन्द्रित हे। नवम्बर महिना म पपीता के खेती ल दर्शाए गए हे। महिना दिसम्बर महिला स्व-सहायता समूह मन के आर्थिक गतिविधि मन के संग नारी सशक्तिकरण उपर केन्द्रित हे। महिना दिसम्बर के पन्ना म मां बम्लेश्वरी महिला दुग्ध उत्पादक सहकारी समिति सण्डी के खुशहाल महिला मन के फोटू प्रदर्शित करे गए हे। महिला स्व-सहायता समूह मन के साथ श्वेत क्रांति के दस्तक ले गांव-गांव म समृद्धि अऊ खुशहाली के नवा दौर शुरू होय हे। महिला स्व-सहायता समूह मन के करजा माफी अऊ उच्च ऋण प्रदान करे के राज्य शासन के फैसला ले प्रदेश म नारी सशक्तिकरण ल बढ़ावा मिले हे।
‘न्याय अऊ स्वावलंबन के छत्तीसगढ़ मॉडल’ थीम उपर केन्द्रित हे छत्तीसगढ़ शासन के साल 2022 के कैलेंडर
