मुख्यमंत्री श्री विष्णु देव साय ह करिन “मेक-इन-सिलिकॉन” पोस्टर अऊ वेबसाइट के शुभारंभ
रायपुर, मुख्यमंत्री श्री विष्णु देव साय ह राजधानी रायपुर स्थित मुख्यमंत्री निवास कार्यालय म “मेक-इन-सिलिकॉन: राष्ट्रीय सिंपोजियम ऑन एनेबलिंग इंडिजिनस सेमीकंडक्टर इन्फ्रास्ट्रक्चर” के पोस्टर अऊ आधिकारिक वेबसाइट के शुभारंभ करिन। ये संगोष्ठी भारत म सेमीकंडक्टर मिशन ल नवा दिशा देहे अऊ देश म स्वदेशी तकनीकी क्षमता मन ल मजबूत करे के पहल हे।
ट्रिपल आईटी-नया रायपुर के निदेशक प्रो. ओमप्रकाश व्यास ह मुख्यमंत्री ल जानकारी दीन के ये राष्ट्रीय संगोष्ठी 7–8 नवम्बर 2025 के ट्रिपल आईटी-नया रायपुर म आयोजित होही। ये मां देशभर के विशेषज्ञ, उद्योग जगत के प्रतिनिधि, शिक्षाविद अऊ नीति-निर्माता सामिल होही। संगोष्ठी के उद्देश्य भारत के घरेलू सेमीकंडक्टर व्यवस्था ल मज़बूत बनाए खातिर ठोस रणनीति बनाना हे।
मुख्यमंत्री श्री साय ह कहिन के छत्तीसगढ़ पूरा प्रतिबद्धता के संग राष्ट्रीय सेमीकंडक्टर मिशन म योगदान देही। उमन कहिन के युवा मन, शैक्षणिक संस्थान अऊ उद्योग मन ल मिलके नवाचार करना होही अऊ अगुवई के भूमिका निभाना होही। ऊंखर मुताबिक, स्वदेशी सेमीकंडक्टर अधोसंरचना ही भारत के डिजिटल अऊ आर्थिक मजबूती के नींव हे। ये आयोजन भारत सरकार के “सेमीकंडक्टर इंडिया मिशन” अऊ छत्तीसगढ़ सरकार के तकनीकी आत्मनिर्भरता के सोच के जइसे हे। मुख्यमंत्री ह कहिन के अइसन प्रयास युवा मन ल वैश्विक स्तर म प्रतिस्पर्धा खातिर तैयार करही। ए बेरा म संयोजक डॉ. मनोज मजूमदार, डॉ. दीपिका गुप्ता अऊ आयोजन समिति के सदस्य उपस्थित रहिन।