अब तक 20 ले जादा उद्योग संगठन मन ले मिले हे सुझाव, कई प्रदेश के उद्योग नीति के करे जात हे स्टडी
रायपुर, 14 जून 2024। उद्योग मंत्री श्री लखन लाल देवांगन ह प्रदेश के नवा औद्योगिक नीति 2024-29 के पहिली ड्राफ्ट ल 31 जुलाई तक जारी करे के निर्देश विभाग के अधिकारी मन ल देहे हें। नवा औद्योगिक नीति बर उद्योग विभाग ले सरलग अलग-अलग उद्योग संगठन मन ले विचार-विमर्श करके ऊंखर अमूल्य सुझाव लेहे जात हे, अब तक प्रदेश के 20 अलग-अलग उद्योग संघ मन ले सुझाव लेहे गए हे। एकर ले अकतहा गुजरात, महाराष्ट्र, ओडिसा, मध्यप्रदेश समेत आन प्रदेश मन के उद्योग नीति के स्टडी घलोक विभाग ह करत हे। राष्ट्रीय, अंतर्राष्ट्रीय निवेशक अऊ उद्योगपति मन ल छत्तीसगढ़ म निवेश खातिर प्रोत्साहन बढ़ाए के दिशा म जोर देहे जात हे।
chhattisgarh New Industrial Policy of the State 2024-29
