छत्तीसगढ़ प्रदेश तृतीय वर्ग कर्मचारी संघ ह करिन कोरोना भत्ता अउ विशेष सुरक्षा के मांग

महासमुंद, 5 सितंबर 2020। छत्तीसगढ़ प्रदेश तृतीय वर्ग शासकीय कर्मचारी संघ ह कोरोना काल म काम करइया अधिकारी अउ कर्मचारी के सुरक्षा बर मांग करे हे। संघ के संरक्षक प्रमोद तिवारी अउ अध्यक्ष ओम नारायण शर्मा ह कहिन हे कि 10 अगस्त के प्रधानमंत्री अउ मुख्यमंत्री के नाम ज्ञापन सौप के कोरोना म काम करइया सबो संवर्ग के अधिकारी अउ कर्मचारी के सुरक्षा अउ बीमा के मांग करे रिहिस। 28 अगस्त के फिर ले मुख्यमंत्री के नाम ले जिला कलेक्टर ल ज्ञापन सौप के ‘कोरोना भत्ता‘ के मांग करे गे रिहिस, फेर अब तक ये मांग बर कोई कार्यवाही नइ करे गे हे। कर्मचारी कांट्रेक्ट ट्रेसिंग करे बर घर म जाके लोगन मन के संपर्क म आवत हन, जेकर ले कोरोना संक्रमण बढ़त हे।