छत्तीसगढ़ रजत महोत्सव : राज्य स्तरीय भू-वैज्ञानिक कार्यक्रम मण्डल के बैठक 21 अगस्त के

रायपुर, छत्तीसगढ़ रजत महोत्सव के अंतर्गत राजधानी रायपुर म 21 अगस्त के खनिज संसाधन विभाग कोति ले राज्य स्तरीय भू-वैज्ञानिक कार्यक्रम मण्डल के 25वां बैठक के आयोजन करे जात हे। ए बैठक के अध्यक्षता खनिज संसाधन विभाग अऊ मुख्यमंत्री के सचिव श्री पी. दयानंद करहीं। बैठक के आयोजन नवा थिरावन भवन के कान्वेन्शन हॉल, सिविल लाइन रायपुर म बिहनिया 10:30 बजे ले चालू होही। ए बेरा म राज्य सरकार अऊ केंद्र सरकार के कई ठन विभाग, तकनीकी संस्थान अऊ निजी संस्थान मन के प्रतिनिधि भाग लेहीं।
खनिज संसाधन विभाग के अधिकारी मन ह बताइन के बैठक के मुख्य उद्देश्य समन्वय स्थापित करत खनिज नीति मनल नवा दिशा देना हे, जेखर से खनिज मन के सरलग अऊ व्यवस्थित अन्वेषण करे जा सकय। एखर से निजी संस्थान मन के भागीदारी ले सरकारी संस्था मन के संग समन्वय अऊ शोध ल बढ़ावा मिलही। एखर अलावा ए बैठक म प्रदेश म साल 2024-25 के बेरा म खनिज मन के खोज बर होवइया काम मन उपर चर्चा करे जाही अऊ साल 2025-26 म खनिज मन के खोज ले संबंधित कार्यक्रम ल आखरी रूप दे जाही, जेखर से राजस्व म बढ़ोतरी के संगे-संग नवा संसाधन मन के पहिचान ठउका करे जा सकही।