प्रधानमंत्री श्री नरेन्द्र मोदी ह कृषि मंत्री श्री रवीन्द्र चौबे अऊ दू किसान मन ल दीन पुरस्कार
कृषि मंत्री ह प्रदेश के किसान मन ल दीन बधाई, कहिन अन्नदाता किसान मन के नाम समर्पित ये पुरस्कार
रायपुर, छत्तीसगढ़ ल सबले जादा खाद्यान्न उत्पादन बर प्रधानमंत्री श्री नरेन्द्र मोदी ह आज कृषि कर्मण पुरस्कार ले सम्मानित करिन। कृषि मंत्री श्री रवीन्द्र चौबे ह राज्य के तरफ ले ये पुरस्कार ग्रहण करिन। छत्तीसगढ़ ल साल 2016-17 म कुल खाद्यान्न उत्पादन श्रेणी-2 के अंतर्गत सबले जादा खाद्यान्न उत्पादन बर भारत सरकार कोति ले ये पुरस्कार बर चुने गए रहिस हे। कृषि मंत्री श्री रवीन्द्र चौबे ह प्रदेश के किसान मन अऊ विभागीय अधिकारी मन ल ये उपलब्धि बर बधाई दीन। कृषि मंत्री श्री चौबे ह ये पुरस्कार ल प्रदेश के अन्नदाता किसान मन के नाम समर्पित करिन हें।
कर्नाटक के तुमकुर म आयोजित पुरस्कार समारोह म प्रधानमंत्री ह प्रदेश के दू प्रगतिशील किसान श्री विरेन्द्र कुमार साहू अउ श्रीमती अदिति कश्यप ल घलोक पुरस्कृत करिन। पुरस्कार के तौर म ओ मन ल दू-दू लाख रूपिया के राशि अउ प्रशस्ति पत्र प्रदान करिन। छत्तीसगढ़ ल कृषि कर्मण पुरस्कार के रूप म पांच करोड़ रूपिया के राशि, ट्रॉफी अउ प्रशस्ति पत्र ले नवाजे गीस। कृषि मंत्री के संग संचालक कृषि श्री टामन सिंह सोनवानी, अपर संचालक श्री एस.एस. केरकेट्टा अऊ संचालक समेती श्री डी.के. भोयर ह पुरस्कार ग्रहण करिन।
