मुख्यमंत्री ह धन्यवाद देवत कहिन के ये हरे सार्थक पहल
रायपुर, 20 मई 2021। अमेरिका म निवास करत छत्तीसगढ़-समाज के मनखे मन ह मुख्यमंत्री श्री भूपेश बघेल कोति ले कोरोना-संकट म करे जात प्रयास मन के सराहना करत अपन योगदान देहे के पेशकश करे हें। ऊंखर प्रतिनिधिमंडल ह श्री बघेल ले कल संझा दूरभाष म चर्चा करत कहिन के ओ मन ऊंखर हर फैसला म संग हें।
प्रतिनिधिमंडल ह अमेरिका म निवास करत छत्तीसगढ़िया मन कोति ले छत्तीसगढ़ के अस्पताल मन म छोटे-छोटे वैंटिलेटर देहे के इच्छा व्यक्त करे हें। मुख्यमंत्री श्री बघेल ह ओ मन ल धन्यवाद देवत कहिन के ये एक सार्थक पहल होही। ये चर्चा म अमेरिका के सेंट फ्रांसिको ले श्री वेंकटेश शुक्ला, जानसन एंड जानसन के चीफ डेटा साइंस आफिसर श्री पल्लव शर्मा सामिल रहिन। ए प्रतिनिधि मन ले चर्चा के समय मुख्यमंत्री के सलाहकार श्री प्रदीप शर्मा घलोक सामिल रहिन।
