रायपुर, छत्तीसगढ़ म 20 नवम्बर 2025 ले नवा गाइडलाइन दर मन लागू हे। राज्य सासन डहर ले जिला मूल्यांकन समिति मन ला ए निर्देश देहे गे रहिस के जरूरत के मुताबिक गाइडलाइन दर म सुधार के प्रस्ताव केंद्रीय मूल्यांकन बोर्ड ला भेजे जा सकत हे। इही कड़ी म बिलासपुर, कोरिया अउ सारंगढ़-बिलाईगढ़ जिला के जिला मूल्यांकन समिति मन ले संशोधित गाइडलाइन दर के प्रस्ताव मिले रहिस। ए प्रस्ताव मन म बिचार करे बर उप महानिरीक्षक पंजीयन के अध्यक्षता म केंद्रीय मूल्यांकन बोर्ड के बैठक रखे गे रिहिस।
बैठक म तीनों जिला ले आय प्रस्ताव मन के गहराई ले जांच अउ समीक्षा करे गीस। गोठ-बात के बाद केंद्रीय मूल्यांकन बोर्ड ह बिलासपुर, कोरिया अउ सारंगढ़-बिलाईगढ़ जिला के संशोधित गाइडलाइन दर के प्रस्ताव मन ला मजूरी दे दे हे। बोर्ड डहर ले मजूर करे गे नवा गाइडलाइन दर ह ए तीनों जिला म तारीक 13 फरवरी 2026 ले लागू हो जाही।
आम जनता अउ संबंधित मनखे मन नवा गाइडलाइन दर के जानकारी अपन जिला पंजीयन दफ्तर (रजिस्ट्री ऑफिस) अउ विभाग के सरकारी वेबसाइट के माध्यम ले पा सकत हें। दूसर जिला मन ले मिलइया संशोधित प्रस्ताव मन के जांच के बाद गाइडलाइन दर मन ला ओसरी-बारी ले जारी करे जाही।
बिलासपुर, कोरिया अउ सारंगढ़-बिलाईगढ़ म संशोधित गाइडलाइन दर 13 फरवरी ले लागू
