राजधानी म आयोजित साहू युवक-युवती परिचय सम्मेलन म सामिल होइन उप मुख्यमंत्री
साहू समाज के नव निर्वाचित विधायक होइन सम्मानित
रायपुर 24 दिसंबर 2023/ उप मुख्यमंत्री श्री अरूण साव ह कहिन कि साहू समाज समय के मुताबिक आन समाज ले कदम ले कदम मिलाके आगू बढ़त हे अऊ प्रदेश अऊ देश के तरक्की म योगदान देवत हे। ओ मन आज राजधानी रायपुर के कर्मा धाम कृष्णा नगर म आयोजित साहू युवक-युवती परिचय सम्मेलन अऊ नव निर्वाचित विधायक मन के सम्मान समारोह ल सम्बोधित करत रहिन। ये मौका म छत्तीसगढ़ साहू समाज कोति ले उप मुख्यमंत्री श्री साव ल पगड़ी पहिराके अऊ त्रिशुल भेंटकरके सम्मानित करे गीस।
उपमुख्यमंत्री श्री अरुण साव ह समारोह ल सम्बोधित करत कहिन कि युवक-युवती परिचय सम्मेलन ले ये सिद्ध होथे हे कि साहू समाज एक विकसित समाज हे। साहू समाज के विशेषता ईमानदारी अऊ मेहनत हे। प्रधानमंत्री श्री नरेन्द्र मोदी ह देश के मान सम्मान बढ़ाए के काम पूरा दुनिया म करे हे। समाज के मान, सम्मान अऊ गौरव बढ़ाए के संग छत्तीसगढ़ महतारी के सेवा म कोनो कसर नइ छोड़े जाए। उप मुख्यमंत्री श्री साव ह युवक-युवती परिचय सम्मेलन म सामिल होवइया युवक-युवति मन ल अपन शुभकामना दीन। साहू समाज कोति ले ग्राम बोइझरा (भखारा) निवासी श्री टेमन लाल साहू समाज ल दू एकड़ जमीन दान करे म सम्मानित करे गीस। कार्यक्रम म पूर्व मंत्री श्रीमती रमशीला साहू, संग स्थानीय साहू समाज के पार्षदगण अउ छत्तीसगढ़ साहू समाज के अध्यक्ष श्री केशव राम साहू संग बहुत अकन पदाधिकारी उपस्थित रहिन।
कार्यक्रम म नव निर्वाचित विधायक मन के छत्तीसगढ़ साहू समाज कोति ले शाल, श्रीफल भेंटकर सम्मानित करे गीस। एमां रायपुर ग्रामीण विधायक श्री मोती लाल साहू, राजिम विधायक श्री रोहित साहू, बेमेतरा विधायक श्री दीपेश साहू, कसडोल विधायक श्री संदीप साहू, डोंगरगांव विधायक श्री दलेश्वर साहू, खुज्जी विधायक श्री भोलाराम साहू, भाटापारा विधायक श्री इन्द्र साव, धमतरी विधायक श्री ओंकार साहू, जैजैपुर विधायक श्री बालेश्वर साहू अऊ साजा विधायक श्री ईश्वर साहू सामिल हे।
