रायपुर, छत्तीसगढ़ स्कूल शिक्षा विभाग ल एक पइत फेर अपन उत्कृष्ट काम मन बर राष्ट्रीय स्तर के पुरस्कार लेहे के अवसर प्राप्त होय हे। कड़क प्रतियोगिता के बाद राज्य म पूर्ण शिक्षा कोति ले संचालित “अंगना मं शिक्षा” कार्यक्रम के तहत साल 2022 म करे गे काम बर स्कॉच अवार्ड 2022 मिले रहिस। ये पूरा कार्यक्रम छत्तीसगढ़ के महिला शिक्षिका मन के समूह कोति ले संचालित करे जात हे। ये साल ये कार्यक्रम के तीसर साल होही अऊ हर बछर ये मां महिला नेतृत्व के कुछ नवा डिजाइन सामिल करे जात हे। मुख्यमंत्री श्री भूपेश बघेल अऊ स्कूल शिक्षा मंत्री डॉ. प्रेमसाय सिंह टेकाम ह ये अवार्ड बर विभाग अउ राज्य के शिक्षिका मन ल बधाई देहे हें।
छत्तीसगढ़ स्कूल शिक्षा विभाग राष्ट्रीय स्तर म फेर पुरस्कृत
