रायपुर, 28 अगस्त 2021। केन्द्रीय जनजातीय कार्य मंत्री श्री अर्जुन मुण्डा ह कोविड-19 के संक्रमण के दौर म पाछू दू बछर म लघु वनोपज मन के संग्रहण, वैल्युएडिशन अऊ रोजगार के क्षेत्र म छत्तीसगढ़ सरकार कोति ले करे गए काम मन के सराहना करे हें। उमन कहिन कि एक कोति कोविड-19 वैश्विक महामारी के डर रहिस, त दुसर कोति ये चुनौती घलोक रहिस कि वनोपज संग्राहक मन के बड़का वर्ग ल वनोपज के संग्रहण ले मिलइया रोजगार छिन न जाय। अइसन म छत्तीसगढ़ ह वनोपज मन के संग्रहण करे के पहल करिस अऊ मनखे मन ल रोजगार देवाइस। केन्द्रीय मंत्री श्री मुण्डा मुख्यमंत्री श्री भूपेश बघेल के संग ऊंखर रायपुर निवास कार्यालय म आयोजित बैठक म छत्तीसगढ़ के आदिवासी अंचल म संचालित कई ठन योजना मन के समीक्षा करत रहिन।
मुख्यमंत्री श्री भूपेश बघेल ह केन्द्रीय मंत्री श्री मुण्डा ले छत्तीसगढ़ ल केन्द्रीय जनजातीय मंत्रालय के कई ठन योजना मन के जादा ले जादा लाभ देवाए के आग्रह करिन। उमन छत्तीसगढ़ म वनोपज मन के संग्रहण, वैल्यूएडिशन के संग शिक्षा, स्वास्थ्य अऊ रोजगार के क्षेत्र म संचालित योजाना मन के विस्तार ले जानकारी दीन।
केन्द्रीय मंत्री के उपस्थिति म आदिवासी अंचल मन म संचालित योजना मन के समीक्षा
