रायपुर, 24 जून 2024। छत्तीसगढ़ राज्य दत्तक ग्रहण संसाधन अभिकरण Chhattisgarh State Adoption Resource Agency के शासी निकाय के बैठक आज इहां मंत्रालय महानदी भवन म महिला अउ बाल विकास विभाग के सचिव अउ दत्तक ग्रहण अभिकरण के शासी निकाय के अध्यक्ष शम्मी आबिदी के अध्यक्षता म होइस। बैठक म साल 2023-24 अउ 2024-25 म दत्तक ग्रहण प्रकरण के समीक्षा करे गीस। बैठक म बाल कल्याण समिति मन म दत्तक ग्रहण ले संबंधित प्रकरण, शिशु स्वागत पालना केन्द्र के स्थापना आदि के विस्तृत समीक्षा करे गीस। आबिदी ह दत्तक ग्रहण अभिकरण कोति ले दत्तक ग्रहण योग्य बालक मन के मेडिकल परीक्षा रिपोट बर स्पेशल सेल गठित करे के निर्देश दीन। उमन कहिन कि जेन जगा मन म शिशु स्वागत पालना केन्द्र स्थापित नइ हे, अइसन जगा मन म जल्दी शिशु स्वागत पालना केन्द्र स्थापित करे जाए। जेखर से कि दत्तक ग्रहण के प्रक्रिया जल्दी पूरा हो सकय। अध्यक्ष आबिदी ह दत्तक ग्रहण विनियम 2022 के निर्देश के कड़ाई ले पालन सुनिश्चित करे के निर्देश दीन। बैठक म सदस्य मन ल जानकारी देहे गीस कि वित्तीय साल 2023-24 म 76 लइका मन अउ 2024-25 म महिना मई तक 11 लइका मन ल दत्तक दे गीस। उमन कहिन कि दत्तक ग्रहण योग्य बालक म ल दत्तक ग्रहण बर वैधानिक रूप ले मुक्त करे अउ दत्तक ग्रहण आदेश समय म जारी करे जाए। बैठक म राज्य विधिक सेवा प्राधिकरण, स्वास्थ्य विभाग, बाल कल्याण के क्षेत्र म कार्यरत सिविल सोसायटी के सदस्य, विशिष्ट दत्तक ग्रहण अभिकरण के प्रतिनिधि अउ विभागीय अधिकारी सामिल होइन।
राज्य दत्तक ग्रहण अभिकरण Chhattisgarh State Adoption Resource Agency के होइस बैठक
