- वॉट्सअप नंबर 9827726833 म 500 रूपिया के सामान मंगवाए म घर पहुंचही डेयरी सामान
- मोबाईल मिल्क पार्लर के घलोक मिलही सुविधा: समय सारणी तय
रायपुर, 31 मार्च 2020। कोरोना वायरस के संक्रमण ले बचाव बर लागू लॉकडाउन म राज्य सरकार ध्यान रखे हे के मनखे मन ल जरूरी सामान के कमी झन होवय। एखर खातिर मनखे मन ल सरलग घर पहुंच सेवा देहे के उदीम करे जात हे। इही कड़ी ल आगू बढ़ात अब छत्तीसगढ़ राज्य सहकारी दुग्ध महासंघ मर्यादित 500 रूपिया तक के डेयरी सामान मंगाए म मुफ्त घर पहुंच सेवा प्रदान करही। एखर बर वाट्सअप नंबर 9827726833 म संदेश देके सामान मंगवाए जा सकत हे। डेयरी सामान बर रात 10 बजे तक मांग आए म भिनसरहा 8 ले 10 बजे के बीच सामान पहुंचाए जाही अऊ भिनसरहा 10 बजे तक मांग आए म संझा 5 ले 7 बजे के बीच सामान घर पहुंचाए जाही।
दुग्ध महासंघ 500 रूपिया म 2 लीटर टोन्ड दूध, 400 ग्राम पनीर, 100 मिलीस लीटर घी, 4 कप छेना रबरी, 5 पैकेट छाछ, 400 ग्राम दही अऊ 12 ग्राम के 10 पैकेट डेरी वाइटनर उपलब्ध कराही। एखर संगेच मोबाइल मिल्क पार्लर के समय सारणी घलोक तय कर देहे गए हे।
रायपुर म – सोमवार, बुधवार अऊ सुकरवार के राजधानी म भिनसरहा 10.30 ले 11.15 तक लाविस्ता सोसायटी अमलीडीह, भिनसरहा 11.30 ले 12.15 तक एश्वर्या रेसीडेंसी तेलीबांधा, मंझनिया 12.30 ले 1.15 तक सिग्नेचर होम्स जीवन विहार कालोनी, मंझनिया 1.30 ले 2.15 तक अशोका रतन शंकर नगर, मंझनिया 2.30 ले 3.30 तक सूर्या अपार्टमेण्ट कटोरा तालाब म मोबाईल मिल्क पार्लर के सुविधा उपलब्ध रइही। अइसनहे मंगलवार, गुरूवार अऊ सनिवार के राजधानी म भिनसरहा 10.30 ले 11.15 तक पार्थिवी टाटीबंध, भिनसरहा 11.30 ले 12.15 तक यूनी होम्स भाठागांव, मंझनिया 12.30 ले 1.15 तक आम्रपाली सोसायटी पचपेढ़ी नाका, मंझनिया 1.30 ले 2.15 तक पंचशील नगर, मंझनिया 2.30 ले 3.30 तक नूरानी चौक राजातालाब म मोबाईल मिल्क पार्लर ले सामान बिसाए जा सकत हे।
दुर्ग-भिलाई म- इतवार के भिनसरहा 10.30 ले 11.15 तक पावर हाउस भिलाई, भिनसरहा 11.30 ले 12.15 तक नेहरू नगर कालोनी दुर्ग, मंझनिया 12.30 ले 1.15 तक मालवीय नगर चौक दुर्ग, मंझनिया 1.30 ले 2.15 तक महाराजा चौक दुर्ग अऊ मंझनिया 2.30 ले 3.30 तक इंदिरा मार्कट दुर्ग म मोबाइल मिल्क पार्लर के सुविधा मिलही।