रायपुर, 25 जून 2024। छत्तीसगढ़ राज्य निर्वाचन आयोग के पाँचवा निर्वाचन आयुक्त के तौर म आज श्री अजय सिंह ह कार्यभार संभाल लीन। 1983 बैच के आई.ए.एस. अधिकारी श्री अजय सिंह फरवरी 2020 म शासकीय सेवा ले निवृत्त होइन हे। जानबा हे के छत्तीसगढ़ राज्य निर्वाचन आयुक्त के पद म नियुक्ति ले पहिली ओ मन उपाध्यक्ष, राज्य योजना आयोग के तौर म सेवा देवत रहिन। उहाँ ले पदमुक्त होके उमन आज राज्य निर्वाचन आयुक्त के पदभार ग्रहण कर लीन।
स्वागत के ए मौका म सचिव, डॉ. सर्वेश्वर नरेन्द्र भूरे ह राज्य निर्वाचन आयोग के अधिकारी मन ले आयुक्त श्री सिंह के संक्षिप्त परिचय करात अधिकारी मन ल सौंपे गये दायित्व मन के घलोक जानकारी दीन। आयुक्त श्री सिंह ह एखर बाद आयोग के सबो कक्ष मन के मुआयना करिन अऊ अवइया समय म होवइया नगरीय निकाय अऊ त्रिस्तरीय पंचायत के आम निर्वाचन बर तैयारी बर जोर दीन।
राज्य निर्वाचन आयुक्त श्री सिंह के पदभार ग्रहण करे म आयोग के तरफ ले उंखर आत्मीय स्वागत करे गीस। ए मौका म सचिव डॉ. भुरे, उप सचिव डॉ. नेहा कपूर, अवर सचिव डॉ. अनुप्रिया मिश्रा अउ अवर सचिव श्री प्रणय कुमार वर्मा संग आयोग के आन अधिकारी-कर्मचारी उपस्थित रहिन।
