मुख्यमंत्री श्री बघेल ह छत्तीसगढ़ राज्य हथकरघा विकास अउ विपणन संघ कोती ले प्रकाशित कॉफी टेबल पुस्तक के करिस विमोचन

रायपुर, नेहा राठौर के खबर/ मुख्यमंत्री श्री भूपेश बघेल ह आज इहां अपन निवास कार्यालय म छत्तीसगढ़ राज्य हथकरघा विकास अउ विपणन संघ कोटीबल तियार करे गए कॉफी टेबल पुस्तक के विमोचन करिस। ग्रामोद्योग विभाग के प्रमुख सचिव डॉ. आलोक शुक्ला अउ हथकरघा संघ के प्रबंध संचालक श्रीमती रेखा शुक्ला घलो ए अवसर म उपस्थित रहिन हे।
मुख्यमंत्री ह पुस्तक के प्रकाशन म ग्रामोद्योग विभाग के प्रमुख सचिव डॉ. शुक्ला अउ हथकरघा संघ के प्रबंध संचालक श्रीमती रेखा शुक्ला ल बधई दीस अउ कहिस के ए कॉफी टेबल पुस्तक छत्तीसगढ़ के हथकरघा वस्त्र के प्रचार-प्रसार म अबड़ उपयोगी साबित होही।
प्रबंध संचालक श्रीमती रेखा शुक्ला ह बतइस के ए पुस्तक के नाम ‘मंगठा’ रखे गए हे। छत्तीसगढ़ी भाषा म हथकरघा ल ‘मंगठा’ घलो कइथे। ए पुस्तक म छत्तीसगढ़ म बुने जाए वाले कोसा, खादी अउ कॉटन के साड़ि बनाए के प्रक्रिया के जम्मो जानकारी अउ अलग अलग प्रकार के साड़ि मन ल सुग्घर चित्र के माध्यम ले दर्शाए गए हे। ए पुस्तक ह छत्तीसगढ़ के हैंडलूम बुनकर मन ल समर्पित हे, पूरा देश म छत्तीसगढ़ हैंडलूम के प्रचार-प्रसार म एकर अबड़ बढ़िया उपयोग होही।