मुख्यमंत्री ले छत्तीसगढ़ प्रदेश कान्यकुब्ज ब्राम्हण महासभा के प्रतिनिधिमंडल ह करिस मुलाकात
रायपुर, 30 अगस्त 2024। मुख्यमंत्री श्री विष्णुदेव साय ले ऊंखर निवास कार्यालय म छत्तीसगढ़ प्रदेश कान्यकुब्ज ब्राम्हण महासभा के प्रतिनिधिमंडल ह सौजन्य मुलाकात करिस। मुख्यमंत्री श्री साय के प्रतिनिधिमंडल ह राज्य म सरकार कोति ले सबो समाज ल संग लेके करे जात विकास के काम मन बर आभार जताइन। मुख्यमंत्री श्री साय ल छत्तीसगढ़ प्रदेश कान्यकुब्ज ब्राम्हण महासभा के सदस्य मन ह शॉल-श्रीफल अउ प्रतीक चिन्ह भेंटकरके सम्मानित करिन।
मुख्यमंत्री ले प्रतिनिधिमंडल ह कहिस के आप मन के नेतृत्व म राज्य म सुशासन के सरकार हे, जेमां प्रदेश के सबो वर्ग ल आगू बढ़े के मौका मिलत हे। शासन के कल्याणकारी योजना मन के लाभ प्रदेश के सबो वर्ग ल मिलत हे। प्रदेश म नवा सरकार के आतेच किसान, महिला, युवा, आदिवासी मन संग गरीब अउ कमजोर वर्ग के मनखे मन के हित म बहुत अकन फैसला लेहे गए हे। ए तारतम्य म सरकार बने के दूसरेच दिन 18 लाख जरूरतमंद परिवार ल प्रधानमंत्री आवास देवाए खातिर तुरंते स्वीकृति देहे के निर्णय ले गीस। अइसनहे राज्य म किसान मन ल दू साल के बकाया धान बोनस देहे गीस अऊ महतारी वन्दन योजना के तहत एक हज़ार रुपिया के राशि हर महिना देके 70 लाख ले जादा महिला मन ल लाभान्वित करे जात हे।
ए बेरा म छत्तीसगढ़ प्रदेश कान्यकुब्ज ब्राम्हण महासभा के श्री अंजय शुक्ल, अध्यक्ष श्री अरुण शुक्ल, श्री अरविंद दीक्षित, श्री श्याम शुक्ल, श्री अटल त्रिवेदी, श्री प्रदीप कुमार मिश्र, श्री सुरेश मिश्र संग बहुत अकन सदस्यगण उपस्थित रहिन।
