मुख्य सचिव विकासशील ह लीन राज्य स्तरीय सड़क सुरक्षा समिति के बैठक, दुर्घटना रोके बर दीन निर्देश

रायपुर, मुख्य सचिव श्री विकासशील के अध्यक्षता म राज्य स्तरीय सड़क सुरक्षा समिति के समीक्षा बैठक संपन्न होईस। बैठक म मुख्य सचिव ह सड़क दुर्घटना रोके अउ यातायात व्यवस्था ल सुगम बनाए बर जम्मो संबंधित विभाग मन ल आपस म तालमेल बनाके काम करे के निर्देश दीन।
बैठक म घायलावस्था म अस्पताल पहुंचाने वाला नेक नागरिक (गुड सेमेरिटन) मन ल तुरंत प्रोत्साहन राशि देहे, 108 एम्बुलेंस के निगरानी अउ ट्रामा सेंटर मन ल मजबूत करे के निर्देश देहे गीस। प्रदेश के जादा दुर्घटना वाले 8 जिला— रायपुर, बिलासपुर, दुर्ग, कोरबा, रायगढ़, बलौदाबाजार, सरगुजा अउ जगदलपुर (बस्तर) म खास कार्ययोजना बनाके काम करे बर कहे गीस।
मुख्य सचिव ह जोर देके कहिन के बाद म सुधार करे ले अच्छा हे के सड़क निर्माण के समे ही डिजाइन सही बनाए जाए। पीडब्ल्यूडी अउ एनएचएआई ल ब्लैक स्पॉट्स के तय समय-सीमा म सुधार करे अउ आवारा मवेशी मन के रोकथाम बर ठोस कदम उठाए के निर्देश दीन। संगेच स्कूल-कॉलेज मन म रोड क्लब बनाके युवा मन ल जागरूक करे अउ कलेक्टर मन ल नियमित बैठक लेके मॉनिटरिंग करे बर कहे गीस। बैठक म परिवहन सचिव श्री एस. प्रकाश, अतिरिक्त पुलिस महानिदेशक (यातायात) श्री प्रदीप गुप्ता सहित वरिष्ठ अधिकारी उपस्थित रहिन।