छत्तीसगढ़ राज्य ग्रामीण अजीविका मिशन ले जुड़के महिला मन आर्थिक सशक्तिकरण के रद्दा म बढ़त हें आगू

मां कुदरगढ़ी स्‍व सहायता समूह के सूरतमनी बनिस आजीविका के मिसाल
रायपुर, मुख्यमंत्री श्री विष्णु देव साय के मंशा के मुताबिक राज्य म महिला मन के आर्थिक सशक्तिकरण बर प्रयास करे जात हे ताकि महिला मन घलोक आत्मनिर्भर बन सकंय। छत्तीसगढ़ राज्य ग्रामीण आजीविका मिशन बिहान के अंतर्गत महिला मन ल आत्मनिर्भर बनाए के दिशा म उल्लेखनीय काम होवत हे। इही कड़ी म ग्राम पंचायत इंदरपुर, जनपद पंचायत ओड़गी के मां कुदरगढ़ी स्‍व सहायता समूह के सदस्य सूरतमनी अपन मेहनत ले आगू बढ़े हें अऊ आन महिला मन बर प्रेरणादायक बन गए हे। मां कुदरगढ़ी स्व सहायता समूह के स्थापना 25 अकटूबर 2013 के होए रहिस। समूह ल साल 2015-16 म 15,000 रुपिया के राशि रिवॉल्विंग फंड के रूप म प्राप्त होए रहिस। ए फंड ले सूरतमनी ह 5 हजार रुपिया लेके अपन घरेलु जरूरत मन ल पूरा करिस। समूह ह बैंक लिंकेज के माध्यम ले 50 हजार रुपिया के ऋण प्राप्त करके व्यवसाय शुरू करिस।
सूरतमती ह बताइस के ए ऋण के सदुपयोग करत वो ह सेंटरिंग प्लेट ईकाई के स्थापना करिस अऊ निर्माण काम मन बर प्लेट ल किराये म देना चालू करिस। आज ए इकाई ले ओ ल हर साल लगभग 80 हजार ले 90 हजार रुपिया तक के आय होवत हे। प्रधानमंत्री आवास योजना अंतर्गत गांव के हितग्राही मन ल निर्माण सामान उपलब्‍ध कराके वो ह अपन परिवार के आर्थिक स्थिति ल सुदृढ़ करत हे।
बिहान योजना ले जुड़कर ओ ल न केवल आत्मनिर्भरता के रद्दा मिले हे, भलुक ओ ह आन महिला मन बर घलोक प्रेरणा स्रोत बन गए हे। ओ ह कहिथे, के आज ओखर परिवार आर्थिक रूप ले सशक्त होय हे अऊ एखर बर उमन बिहान योजना अउ जिला प्रशासन ल धन्यवाद देवत हे। स्‍व सहायता समूह मन के माध्यम ले महिला मन न केवल अपन परिवार ल आर्थिक रूप ले मजबूत बनावत हें, बल्कि गांव अउ समाज के विकास म घलोक महत्वपूर्ण भूमिका निभावत हें।