रायपुर, 29 फरवरी 2020। मुख्यमंत्री श्री भूपेश बघेल ह आज बिहनिया इहां अपन निवास ले हजरत ख्वाजा मोईनुद्दीन चिश्ती के दरगाह अजमेर शरीफ बर चादर रवाना करे हें। ये बेरा म देश अऊ छत्तीसगढ़ म अमन, चैन, खुशहाली, तरक्की, आपसी भाई-चारा बर दुआ मांगे गीस। 808 वां उर्स के मौका म ये चादर छत्तीसगढ़ राज्य वक्फ बोर्ड कोति ले अजमेर शरीफ ले जाके दरगाह गरीब नवाज अजमेर शरीफ म पेश करे जाही। संगेच देश अऊ छत्तीसगढ़ प्रदेश के अमन, चैन, खुशहाली, तरक्की, आपसी भाईचारा अऊ सांप्रदायिक सौहार्द्र बर दुआ करे जाही।
ये मौका म छत्तीसगढ़ राज्य वक्फ बोर्ड के अध्यक्ष श्री सलाम रिजवी, छत्तीसगढ़ अल्पसंख्यक आयोग के अध्यक्ष श्री महेंद्र सिंह छाबड़ा, छत्तीसगढ़ वक्फ बोर्ड के सदस्य श्री फैसल रिजवी, जिला पंचायत सदस्य श्री शेख अलीमुद्दीन, अल्पसंख्यक प्रकोष्ट के अध्यक्ष श्री इम्तियाज हैदर, छत्तीसगढ़ अल्पसंख्यक आयोग के सदस्य श्री हाफिज खान, श्री अशरफ हुसैन, छत्तीसगढ़ जकात फाउंडेशन के सचिव श्री मो ताहिर, श्री रउफ रजा, सुन्नी मस्जिद ट्रस्ट नयापारा के मुतवल्ली श्री हाजी जियाउर्रहमान, नगर निगम रायपुर के पार्षद श्री समीर अख्तर अउ श्री कामरान अंसारी, समाजसेवी श्री इरशाद खान (अच्छू), श्री शरीक राईस खान, श्री एस एम् हाशिम, श्री मो अमीन, श्री परवेज निजाम, श्री इमरान खान, श्री मो समीर, श्री शब्बीर खान, श्री मो सिद्दीक जी, श्री मो अरशद, श्री रिजवान खान, श्री मो रियाज, श्री आवेस अशरफी, श्री मो तारिक अशरफी, श्री आमिर खान उपस्थित रहिन।
