सोशल मीडिया म मिलिस सुग्घर कमेंट
रायपुर, 26 जनवरी 2020। देश के मनखे मन ह देखिन छत्तीसगढ़ी गहना मन के सुन्दरता। राजपथ म निकाले छत्तीसगढ़ के झांकी ल मनखे मन ह जबर सहराए हें। ये झांकी नेशनल मीडिया के संगेच मनखे मन के दिल-दिमाग म छा गीस। गणतंत्र दिवस म नई दिल्ली म छत्तीसगढ़ी गहना अऊ शिल्प कला उपर आधारित झांकी जिहां देश भर के मनखे मन के आकर्षण के केन्द्र बनिस उहें ये सोशल मीडिया म आज दिन भर छाए रहिस। देश के कई ठन जगा ले सरलग मनखे एला सहरात रहिन।
