मुख्यमंत्री श्री विष्णुदेव साय के अगुवई म छत्तीसगढ़ टीबी उन्मूलन के दिशा म तेजी से बढ़त हे: अब तक 4106 ग्राम पंचायत होइस टीबी मुक्‍त घोषित

टीबी मुक्‍त ग्राम पंचायत कार्यक्रम के उत्कृष्ट क्रियान्वयन बर छत्तीसगढ़ ल मिलीस राष्ट्रीय सम्मान
रायपुर, मुख्यमंत्री श्री विष्णुदेव साय के दूरदर्शी अगुवई म छत्तीसगढ़ राज्य टीबी जइसे गंभीर बीमारी के उन्मूलन के दिशा म प्रभावी अऊ सुनियोजित उदीम मन के संग आगू बढ़त हे। प्रधानमंत्री श्री नरेंद्र मोदी ह साल 2025 तक भारत ल टीबी मुक्‍त बनाए के लक्ष्य ल ध्यान म रखत छत्तीसगढ़ म घलोक व्यापक कार्ययोजना तैयार करके क्रियान्वित करे जात हे।
मुख्यमंत्री श्री विष्णु देव साय के अगुवई अऊ स्वास्थ्य मंत्री श्री श्याम बिहारी जायसवाल के दिशानिर्देशन म 7 दिसंबर 2024 ल “निक्षय-निरामय छत्तीसगढ़ – 100 दिवसीय अभियान” के शुरुआत करे गए हे। ए अभियान के उद्देश्य रहिस – टीबी के विरुद्ध जमीनी स्तर म निर्णायक लड़ाई छेड़ना। अभियान के अंतर्गत राज्य के सबो जिला मन म घर-घर जाके जादा जोखिम वाले मनखे मन के पहिचान करके ओ मन ल सूची मं जोरत आधुनिक तकनीक के माध्यम ले जांच कराए गीस। ए अभियान के तहत 36 लाख ले जादा मनखे मन के स्क्रीनिंग करे गीस, 4.5 लाख ले जादा एक्स-रे जांच करे गीस अऊ 1.5 लाख ले जादा मनखे के जांच अत्याधुनिक ‘नॉट मशीन’ ले करे गीस। ये व्यापक परीक्षण प्रक्रिया टीबी के लउहे पहिचान अऊ जल्दी उपचार बर बहुत प्रभावी सिद्ध होइस।
ए अभियान के सफलता म जनभागीदारी के भूमिका घलोक उल्लेखनीय रहिस। खुद राज्यपाल, मुख्यमंत्री अऊ स्वास्थ्य मंत्री ह टीबी मरीज मन ल गोद लेके ‘निक्षय मित्र’ के रूप म पोषण आहार उपलब्ध कराए के पहल करिन। अब तक 15,000 ले जादा नवा निक्षय मित्र मन ह पंजीकरण करके 34,000 ले जादा मरीज मन ल पोषण सहायता देहे हें। राज्य के सांसद, विधायक, जनप्रतिनिधि, महिला मन, युवा वर्ग, स्वयंसेवी संगठन अऊ आम नागरिक एख अभियान म सक्रिय रूप ले सहभागी बने हे।
मुख्यमंत्री श्री साय के निर्देश म समाज के उन वर्ग उपर विशेष ध्यान केंद्रित करे गए हे, जेन आमतौर म स्वास्थ्य सेवा ले वंचित रहि जाथे – जइसे जेल म बंद बंदी, वृद्धाश्रम के बुजुर्ग, छात्रावास म रहत छात्र अऊ फैक्‍ट्री मन म काम करत मजदूर। एकर बर विशेष शिविर मन के आयोजन करके जांच अऊ उपचार के व्यवस्था ठउका करे गीस।
ए समर्पित उदीम अऊ सामूहिक भागीदारी के ही परिणाम हे के छत्तीसगढ़ राज्य ल टीबी मुक्‍त ग्राम पंचायत कार्यक्रम के उत्कृष्ट क्रियान्वयन बर राष्ट्रीय स्तर म सम्मानित करे गए हे। अब तक राज्य के 4106 ग्राम पंचायत मन ल “टीबी मुक्‍त” घोषित करे जा चुके हे — जेन एक उल्लेखनीय उपलब्धि हे।
मुख्यमंत्री श्री विष्णुदेव साय ह कहिन के जब शासन के प्रतिबद्धता अऊ जनसहयोग एक संग मिलथे, तब बदलाव सिरिफ लक्ष्य न हीं, उपलब्धि बन जाथे – अऊ छत्तीसगढ़ एकर जीवंत उदाहरण बनइया हे।