5000 गुरूजी मन के पद म होही भर्ती, मुख्यमंत्री के अध्यक्षता म होइस शिक्षा विभाग के समीक्षा बैठक

रायपुर, मुख्यमंत्री श्री विष्णुदेव साय के अध्यक्षता म आज मंत्रालय महानदी भवन म शिक्षा विभाग के समीक्षा बैठक आयोजित होइस। बैठक म राज्य म शिक्षक मन के कमी ल गंभीरता ले लेवत 5000 पद म भर्ती प्रक्रिया तत्काल शुरू करे के निर्देश देहे गीस। मुख्यमंत्री ह साफ निर्देश दीन के ए शिक्षक भर्ती व्यापमं के माध्यम ले करे जाय अउ एखर बर फरवरी 2026 तक विज्ञापन जारी करे जाय, ताकि समय म नियुक्ति प्रक्रिया पूरा हो सकय।
बैठक म शिक्षक भर्ती परीक्षा–2023 ले जुड़े विषय मन ऊपर घलो चर्चा करे गीस। ए दौरान ए निर्णय ले गीस के परीक्षा–2023 के प्रतीक्षा सूची के मान्यता नइ बढ़ाए जाय, ताकि पिछला बछर मन म उत्तीर्ण युवा मन ल घलो शासकीय सेवा म आय के मौका मिल सकय। मुख्यमंत्री ह कहिन के शिक्षा व्यवस्था ल मजबूत करना राज्य सरकार के सबले बड़े प्राथमिकता हे अउ ए दिशा म सबो जरूरी कदम तेजी ले उठाए जाही।