मावा कोंडानार पर्यटन सर्किट के आनंद लेहे पहुंचत हे देश विदेश के पर्यटक मन
कोण्डागांव, 18 जनवरी 2024। कोण्डागांव अपन आप मन म प्राकृतिक संसाधन मन के संग अमूल्य सांस्कृतिक अउ पारम्परिक कला मन ल समेटे हे। इहां के संस्कृति अऊ प्राकृतिक सौंदर्यता अपन आप म विलक्षण हे। ए सबो संसाधन मन के बारे म अभी तक संसार ल कोनो जानकारी नइ रहिस। जिला म पर्यटन ल बढ़ावा देहे बर केन्द्रीय पर्यटन मंत्रालय के मार्गदर्शन म जिला प्रशासन कोति ले जिला म मावा कोंडानार पर्यटन सर्किट के विकास करे गए हे। ए सर्किट के बन जाय ले जिला म पर्यटक मन के संख्या म बढ़ोत्तरी होए हे। जहां एक साल म टाटामारी म 01 लाख ले जादा मनखे मन ह टाटामारी के विहंगम दृश्य मन के आनंद लेहे हे। उहें विदेश ले आए 50 ले जादा पर्यटक मन ह इहां के सुंदरता के आनंद लेहे हें।
फ्रांस ले आए पर्यटक क्लेयर ह बताइस कि वो ह दू पइत ले टाटामारी अऊ कोण्डागांव घूमे हे। पहली पइत जब अपन संगी मन के संग वो ह आइस त ओ मन ल इहां के प्राकृतिक खुबसूरती अतका अच्छा लगीस के वो ह ए बात के बारे म जब अपन मां ल ए बारे म बताइस त ओ ह घलोक मोर संग कोण्डागांव घूमे बर आइस।
फ्रांस के ही अल्बाने अउ गेल ह बताइस कि ओ मन एखर ले पहिली कई जगा घूमे गये हे फेर कोण्डागांव म आदिम परम्परा अऊ इहां के मनखे मन के सादगी ओ मन ल बहुतेच पसंद आइस। आदिवासी मनखे मन ले मिलके अउ उंखर दिनचर्या ल तीर ले देखे के मौका मिलीस जेखर से ओ मन ल बहुत खुशी मिलीस।
फिनलेंड के थॉमस, निकोडेम, टोपीयाज मन ह कहिन कि कोण्डागांव म स्थानीय युवा मन संग हम ट्रेकिंग करत जलप्रपात, वनस्पति मन ल देखना अउ प्रकृति के बीच प्राकृतिक माहौल म मांझिनगढ़ के ऊपर कैम्पिंग करे के अनुभव अपन आप मन म अनुठा रहिस। ओ मन ल इहां आके बहुत खुशी महसूस होइस।
युवा मन के बीच सीविल सेवा के तैयारी बर प्रसिद्ध असिस्टेंट प्रोफसर अउ कांउसलर डॉ. विजेन्द्र सिंह चौहान ह हाले म बस्तर के प्रवास म रहिन उमन ह अपन प्रवास के शुरूवात कोण्डागांव जिला के टाटामारी पर्यटन स्थल ले करिन, जइसनहे ओ ह टाटामारी पहुंचिस टाटामारी के प्राकृतिक सौदर्य अउ विहंगम दृश्य ल देखके मंत्र मुग्ध हो गे अऊ ओ ह उहां के सौदंर्यता के वीडियो बनाए ले नइ रोक पाइन अऊ एक ट्रेवल व्लॉगर के जइसे अपन सोशल मीडिया के माध्यम ले इहां के सुंदरता ल वर्णित करत कहिन कि अक्सर बस्तर ल अशांति ले जोड़े जाथे फेर टाटामारी ल देखके आप मन एखर तुलना केवल स्वर्ग ले कर सकत हव।
जगदलपुर ले कोण्डागांव घुमे आये 36 सदस्यी दल के महेश ह बताइस कि वोखर कार्यालय वर्म फाईनेंश के सबो मनखे मन ह जब कोण्डागांव घुमे के सोचिन त ओ मन ल एखर खुबसूरती के अंदाजा नइ रहिस। इहां सबो ह ट्रेकिंग के संग मांझिनगढ़ के दृश्य के आनंद लीन। जेन अभूतपूर्व रहिस।
अइसनहे नवा साल के उत्सव म लिमदरहा म कैम्पिंग कर मनखे मन ह चंद्रमा अउर तारों ल टेलीस्कोप के सहायता ले देखा। विगत एक साल म टाटामारी जहां एकेले 01 लाख ले जादा पर्यटक मन आये वहीं कुंएमारी जलप्रपात ल देखे 97 हजार, होनहेड़ जलप्रपात म 72 हजार पर्यटक मन देखे ल जेखर से स्थानीय मनखे मन ल घलोक आजीविका के नवा साधन प्राप्त होय हे।
कोण्डागांव ल शिल्प नगरी के रूप म जाना जात हे। एला पर्यटन क्षेत्र म पहिचान दिलाने बर समय समय म कई कार्यक्रमों के आयोजन करे गीस जात हे। जेमे कोण्डागांव हस्तशिल्प महोत्सव, जल जगंल यात्रा, कोण्डागांव एडवेंचर फेस्टिवल, फायर फ्लाई ट्रेल, हेरिटेज वॉक, स्टार गेजिंग फेस्टिवल, भंगाराम यात्रा, मांझिनगढ़ वन महोत्सव, फ्रिडम ट्रेक आदि आयोजन कराए जा चुके हे।
का हे मावा कोंडानार सर्किट
कोण्डागांव जिला म पर्यटन के क्षमता के विकास के संग स्थानीय युवा मन ल प्रशिक्षण देके रोजगार प्रदान करे बर ओ मन ल पर्यटक मन बर टूर गाईड, हॉस्पिटालिटी अउ आन क्षेत्र मन म काम करे बर अवसर प्रदान करे जात हे। स्थानीय महिला समूह मन ल पर्यटन क्षेत्र मन के तीर जलपान व्यवस्था ले रोजगार उपलब्ध कराए जात हे। ए सर्किट म घुमाय बर स्थानीय युवा मन के पर्यटन समूह मन ले द दिन तक के पैकेज तैयार करे गीस हे। जेमां टाटामारी म थिरावन, नाइट कैम्पिंग, स्टॉर गेजिंग, स्टोरी टेलिंग, बोन फायर, हर्बल टी, पारम्परिक आदिवासी भोजन, सुर्योदय के विहंगम दृश्य, मांझिनगढ़ म आदिम काल के शैल फोटू सुर्यास्त के विहंगम दृश्य के अकतहा कुएंमारी, लिंगोदरहा, ऊपरबेदी अउर होनहेड़ जइसन सुंदर जलप्रपातों के भ्रमण कराया जात हे। एखर सर्किट के माध्यम ले इहां के स्थानीय 40 ले जादा मनखे मन ल प्रत्यक्ष अउर 200 ले जादा मनखे मन ल अप्रत्यक्ष रूप ले रोजगार मिलत हे। ए सर्किट म पर्यटन बर ऑनलाइन बुकिंग केशकाल ईको टुरिजम के वेबसाइट
https://www.keshkalecotourism.in/ म जाके कराए जा सकत हे।