महिला मन हर क्षेत्र म करत हे प्रदेश के नाव रोशन : विधानसभा अध्यक्ष डॉ. रमन सिंह

रायपुर, सावन-भादो म छत्तीसगढ़ के धरती म पारंपरिक उत्सव के विशेष महत्व रहिथे। इही कड़ी म आज राजस्व मंत्री श्री टंक राम वर्मा के निवास म तीजा मिलन कार्यक्रम के भव्य आयोजन करे गीस। ए अवसर म छत्तीसगढ़ी संस्कृति, परंपरा, गीत-संगीत अऊ लोकनृत्य के अनूठा छटा देखे ल मिलीस। महिला मन पारंपरिक परिधान म सुसज्जित होके लोकगीत के मधुर धुन ले वातावरण ल उल्लासमय बनावत रहिन।
मुख्यमंत्री श्री विष्णु देव साय ह तीजा मिलन ल समाज के एकता अऊ संस्कृति के पहिचान बताइन। उमन कहिन के तीजा छत्तीसगढ़ के महिला मन बर आस्था अऊ विश्वास के पर्व हे। महिला मन ए दिन पति के लंबा उम्‍मर अऊ परिवार के समृद्धि बर उपास रइथें। हमर लोकपरंपरा समाज ल जोड़थे अऊ इही हमर सांस्कृतिक धरोहर हे। मुख्यमंत्री ह आगू कहिन के कजली एकादशी जइसे परब केवल धार्मिक महत्व नइ रखय, बल्कि समाज म भाईचारा अऊ एकता के संदेश घलोक देथे। उमन राज्य के विकास के दिशा म सबका साथ, सबका विकास, सबका विश्वास, सबका प्रयास के भावना ल मार्गदर्शक बताइन।
विधानसभा अध्यक्ष डॉ. रमन सिंह ह कहिन के छत्तीसगढ़ के पहिचान लोक संस्कृति अऊ तिहार मन ले होथे। इहां के महिला मन परिवार अऊ समाज ल संवारत हें, संगेच शिक्षा, राजनीति, सेवा अऊ हर क्षेत्र म योगदान देके प्रदेश के नाव रोशन करत हें। उमन महिला मन ल संस्कृति के संरक्षक बतात ऊंखर योगदान ल सहराईन।
कार्यक्रम म मंत्रिमंडल के सदस्य आदिम जाति विकास अऊ कृषि मंत्री श्री रामविचार नेताम, खाद्य अऊ उपभोक्ता संरक्षण मंत्री श्री दयालदास बघेल, वन अऊ सहकारिता मंत्री श्री केदार कश्यप, वाणिज्य अऊ उद्योग मंत्री श्री लखनलाल देवांगन, लोक स्वास्थ्य मंत्री श्री श्याम बिहारी जायसवाल, महिला अऊ बाल विकास मंत्री श्रीमती लक्ष्मी राजवाड़े, स्कूल शिक्षा मंत्री श्री गजेंद्र यादव, पर्यटन मंत्री श्री राजेश अग्रवाल, सांसद श्री बृजमोहन अग्रवाल, सांसद श्रीमती रूप कुमारी चौधरी, श्रीमती कमलेश जांगड़े अऊ विधायक श्री अनुज शर्मा, श्री सुनील सोनी अऊ श्री पुरंदर मिश्रा घलोक उपस्थित रहिन। सबो जनप्रतिनिधि मन ह महिला मन ल तीजा के शुभकामना दीन अऊ ओ मन ल समाज के विकास म सक्रिय भागीदारी बर प्रेरित करिन।