छत्तीसगढ़ विजन डाक्यूमेंट 2047 तियार करे ग्रामीण अऊ नगरीय अधोसंरचना उपर गठित वर्किंग ग्रुप के होइस बैठक
रायपुर, 07 जून 2024। विकसित छत्तीसगढ़ बनाए ल लेके विजन डाकूमेंट तियार करे बर ग्रामीण अउ नगरीय अधोसंरचना वर्किंग गु्रप के सदस्य मन ह राज्य नीति आयोग म नागरिक मन ल मूलभूत सुविधा उपलब्ध कराए खातिर अधोसरंचना निमार्ण के काम मन उपर विचार विमर्श करे गीस। बैठक म नीति आयोग के सदस्य डॉ. के सुब्रमण्यम घलोक उपस्थित रहिन।
बैठक म पंचायत अउ ग्रामीण विकास विभाग के प्रमुख सचिव श्रीमती निहारिका बारिक ह सड़क, पेयजल, घर संग आन नागरिक सुविधा मन ल बढ़ाए के काम मन बर महत्वपूर्ण जानकारी रखीन। मुख्यमंत्री के सचिव अउ नगरीय प्रशासन अउ विकास विभाग के सचिव श्री बसवराजू. एस ह नगरीय क्षेत्र मन म रोड, पेयजल ड्रेनज सिसटम, सालिड वेस्ट मैनेजमेंट सीवरेज वाटर ट्रीटमेंट संग आन महत्वपूर्ण जानकारी प्रस्तुत करिन। जल संसाधन विभाग के विशेष सचिव श्री राजेश सुकुमार टोप्पो ह सिंचाई सुविधा संग जल स्त्रोत मन के संबंध म महत्वपूर्ण जानकारी दीन। लोक स्वास्थ्य यांत्रिकी विभाग के सचिव श्री मोहम्मद कैसर अब्दुल हक ह पेयजल योजना मन बर जरूरी जानकारी दीन। बैठक म सदस्य मन ह ट्रांसपोर्ट, हाऊसिंग, पावर, वाटर अऊ सेनीटेशन के संबंध म अपन सुझाव रखिन। बैठक म परिवहन, लोक निर्माण, ऊर्जा, हाऊसिंग संग आन विभाग के अधिकारी मन ह छत्तीसगढ़ विजन डाक्यूमेंट तियार करे खातिर विभागीय जानकारी प्रस्तुत करिन। कलेक्टर रायपुर ह बैठक म रायपुर जिला के शहरी अउ ग्रामीण क्षेत्र मन म नागरिक सुविधा बढ़ाए के संबंध म बताइन।
वर्किंग ग्रुप के बैठक म नीति आयोग के सदस्य सचिव श्री अनूप श्रीवास्तव, संयुक्त संचालक डॉ. नीतू गौरडिया, नगरीय प्रशासन अउ विकास विभाग, पंचायत अउ ग्रामीण विकास विभाग, गृह, घर अउ पर्यावरण, लोक स्वास्थ्य यांत्रिकी, जल संसाधन, परिवहन, ऊर्जा, लोक निर्माण, हाऊसिंग बोर्ड, नवा रायपुर अटल नगर विकास प्राधिकरण, मंडी बोर्ड अऊ चिप्स के अधिकारी संग राज्य नीति आयोग के सलाहकार संस्था मन के प्रतिनिधि संग नीति आयोग के आन सदस्य मौजूद रहिन। बैठक म जिला के कलेक्टर अऊ एन.जी.ओ. के प्रतिनिधि वर्चुअल रूप ले सामिल होइन।