छत्तीसगढ़ म आज मौसम म होही बदलाव, बारिश-बिजली के संभावना

रायुपर, छत्तीसगढ़ म आज 30 अकटूबर के मौसम अइसन दिखत हे के बिहनिया ले ही बादल छाए रहे के अनुमान हे, अऊ कुछ इलाका मन म भिनसरहा ले हल्का बारिश शुरू हो सकत हे। तापमान दिन म 27 – 29 डिग्री सेल्सियस के बीच रहिही, जेन मौसम ल हल्का गरम बनाए रखही। संझा के समय फेर पानी-बिजली के खतरा हे, खासकर विशेष रूप ले 6 – 8 बजे के समय।
संझा तक तापमान 25 – 26 डिग्री तक नीचे आ सकत हे, अऊ ठंडक महसूस हो सकत हे। अइसन म बाहिर निकलत खानी छाता या खुमरी या रेनकोट संग रखना जरूरी होही। संगेच बिजली-गरेरा के संभावना के चलत सुरक्षा के विशेष ध्यान रखना होही। किसान, गांव कोति के इलाका मन अउ जंगल-पहाड़ी क्षेत्र मन म रहइया ल ए बदलत मौसम ल देखत सतर्क रहे के सलाह देहे गए हे।