बिलासपुर, 07 जनवरी 2021। छत्तीसगढ़ प्रदेश म ‘पढ़ई तुहार दुआर‘ कार्यक्रम के अंतर्गत कोरोनाकाल म लइका मन ल ऑनलाइन या ऑफलाइन शिक्षा उपलब्ध कराए जात हे। बिलासपुर जिला के विकासखण्ड कोटा के तहसील रतनपुर के जमुनाही तिलकडीह प्राथमिक शाला के कक्षा 5वीं के छात्र विमल ह स्टोरीविवर के वेबसाइट म 10 कहानी मन के छत्तीसगढ़ी भाखा म अनुवाद करके एक नवा शुरूआत करे हे। विमल के उमर अभी 10 साल हे। ओ ह अपन बड़े पिता बलदाऊ सिंह श्याम ल लैपटॉप म काम करत देख के प्रेरित होइस अऊ खुदे कहानी लिखे के ठानिस। विमल ह पक्का इरादा के संग स्टोरीविवर वेबसाइट म उपलब्ध कहानी मन म 10 हिंदी भाखा के कहानी ल छत्तीसगढ़ी भाखा मे अनुवाद करिस। अभी हाल म
ग्रामीण अंचल के छात्र विमल सिंह गोंड के माता-पिता के आर्थिक स्थिति कमजोर होए के सेती वो ह अपन बड़े पिता बलदाऊ सिंह श्याम तीर रहिके अपन पढ़ाई-लिखाई करत हे। छात्र के पिता लघु कृषक हे।
