रायपुर, मुख्यमंत्री श्री भूपेश बघेल ह आज वित्तीय साल 2023-24 के बजट प्रस्तुत करिन। बजट प्रस्तुत करे बर मुख्यमंत्री ह जेन ब्रीफकेस के उपयोग करिन, वोमें छत्तीसगढ़ी सभ्यता, संस्कृति अऊ छत्तीसगढ़ सरकार के परंपरा अउर संस्कृति के प्रति प्राथमिकता के झलक देखे ल मिलिस। बजट ब्रीफकेस के डिजाइन सुदूर वनांचल क्षेत्र के विश्व विख्यात भित्तिचित्र कला ले तियार करे गए हे। बजट ब्रीफकेस के आगू कोति छत्तीसगढ़ महतारी के भित्ति फोटू बनाय गए हे, जेन मुख्यमंत्री के छत्तीसगढ़ महतारी के प्रति आस्था अऊ प्रेम ल दर्शाथे, संगेच ये संदेश घलोक देथे हे के बजट छत्तीसगढ़ महतारी के ममता के समान सबो मनखे बर एक समान ममतामयी हे। ब्रीफकेस के दुसर कोति मां कामधेनु के फोटू अंकित हे जेमां बछड़ा ल दूध पिलात गाय दर्शाए गए हे जेन नागरिक मन के प्रति सरकार के मया ल देखाथे।
